Special Division (Available in Armenian)
Համաձայն 2013թ. ռեկտորի հրամանով հաստատված կանոնադրության՝ Հատուկ բաժինն իր առջև դրված խնդիրների և նպատակների իրականացման համար իր իրավասությունների սահմաններում իրականացնում է հետևյալ գործառույթները.
- ստուգում է արական սեռի դիմորդների զինապարտության մասին փաստաթղթերը.
- տարկետման իրավունքով ընդունված, զորակոչային տարիքը լրացած օտարերկրացի ուսանողներին (սովորողներին), յուրաքանչյուր տարին մինչև ուսման ավարտը, տալիս է Ձև-26 տեղեկանք՝ զինկոմիսարիատ ներկայացնելու համար.
- տարկետման իրավունքով ընդունված, զորակոչային տարիքը լրացած օտարերկրացի ուսանողներին (սովորողներին), յուրաքանչյուր տարի մինչև ուսման ավարտը, տալիս է Ձև-26 տեղեկանք՝ ըստ հաշվառման վայրի զինկոմիսարիատի պահանջի.
- հաշվառում է առանց տարկետման իրավունքի ընդունված առկա և հեռակա ուսուցմամբ սովորող ուսանողներին (սովորողներին), ինչպես նաև տարկետման իրավունքով ընդունված, բայց ուսման ընթացքում տարկետման իրավունքից զրկված ուսանողներին.
- առկա, տարկետման իրավունքով սովորող ուսանողների (սովորողներին), համալսարանից հեռացման հեռացման հրամանների քաղվածքները 3 օրվա ընթացքում ուղարկում է համապատասախան զինկոմիսարիատներ.
- Հայաստանի Հանրապետության օրենսդրությանը համապատասխան կազմակերպում է արական սեռի նախազորակոչային և զորակոչային տարիքի ուսանողների (սովորողներին) հաշվառումը՝ ըստ ուսանողների կարգավիճակի.
- զորակոչված ուսանողներին (սովորողներին) ակադեմիական արձակուրդ ձևակերպելու անհրաժեշտությունից ելնելով, մշտական կապ է հաստատում զինկոմիսարիատների համապատասխան ծառայությունների հետ՝ ճշտելու համար նրանց ծառայության ժամկետները և ծառայության մեջ գտնվելու հավաստիությունը.
- ըստ տարիքային ցենզի՝ առանձին հաշվառում է համալսարանի շարքային և սպայական պահեստազորում ընդգրկված բոլոր աշխատողներին.
- իրականացնում է վերահսկողություն դիպլոմ ստացող ուսանողների զինապարտության նկատմամբ.
- հաշվառում է համալսարանում օգտագործվող բոլոր տեսակի կնիքները և դրոշմակնիքները, ինչպես նաև համալսարանի հուշամեդալները և պատվավոր դոկտորի վկայականները.
- քննարկում և համապատասխան եզրակացություն է տրամադրում հատուկ կարևորության հույժ գաղտնի և գաղտնի տեղեկատվություններին ուսանողների առնչվելու թույլտվության վերաբերյալ.
- իրականացնում է համալսարանի ռեկտորի հրամաններով և Հայաստանի Հանրապետության օրենսդրությամբ նախատեսված այլ գործառույթներ.
- համալսարանի ռեկտորի հանձնարարությամբ կատարում է այլ գործառույթներ: