2-րդ կիսամյակի 1-ին միջանկյալ ստուգումները մեկնարկել են

Համալսարանում այսօր մեկնարկել են առկա բակալավրիատի 1-3 կուրսերի 1-ին միջանկյալ ստուգումները, որոնք իրականացվում են թեստային-համակարգչային,  թեստային-լսարանային և բանավոր եղանակներով:

ՀՊՏՀ ուսումնակազմակերպական աշխատանքների գծով  պրոռեկտոր Միհրդատ Հարությունյանը մեզ հետ զրույցում նշեց, որ առաջիկա 10 աշխատանքային օրվա ընթացում գիտելիքների ստուգումները վեր կհանեն 2013-2014 ուսումնական տարվա  երկրորդ կիսամյակի ուսումնական գործընթացի առաջին արդյունքները, իսկ քննական բնականոն ընթացքի համար ստեղծված են բոլոր բարենպաստ պայմանները:

ՀՊՏՀ բոլոր ուսանողներին երկշաբաթյա այս գործընթացքում մաղթում ենք առողջություն, ուժերի առավել կենտրոնացում և  բարձր առաջադիմություն:

ՀՊՏՀ Լրատվության և հասարակայնության հետ կապերի բաժին