Доцент АГЭУ выступил с публикацией о Леониде Азгалдяне

Легенде Арцахской освободительной борьбы,кавалеру ордена первой степени “Боевой крест” РА и НКР Леониду Азгалдяну был поставлен памятник в память 20-летия со 
дня гибели и в честь 70-летия со дня рождения на скале у моста реки Тартар по дороге из Матахиса в Тонашен. Об этом с публикацией выступил в газете «Айастани 
Анрапетутюн» доцент кафедры высшей математики АГЭУ Владимир Давтян. Он предоставил отделу информации и связей с общественностью опубликованный текст в целом, 
с чем можете ознакомиться ниже. А с газетной публикацией можете ознакомиться здесь:
http://www.hhpress.am/?sub=hodv&hodv=20121018_23&flag=am.

«Սա Հայաստանն է` և վերջ»
                                                           Լեոնիդ Ազգալդյան
 
Այս տարի հունիսի 21-ին լրացավ Արցախյան ազատամարտի լեգենդ, ՀՀ և ԼՂՀ «Մարտական խաչ» առաջին աստիճանի շքանշանի ասպետ Լեոնիդ Ազգալդյանի զոհվելու 20-ամյա տարելիցը, իսկ նոյեմբերի 22-ին լրանում է ծննդյան 70-ամյակը:
Նրա զինակիցների հավաստմամբ, և իրավմամբ նա Հայկական բանակի հիմնադիրներից է: Ղարաբաղյան շարժման առաջին օրից Լեոնիդ Ազգալդյանը որպես բնատուր ռազմական տաղանդավոր գործիչ լծվեց ազգային-ազատագրական պայքարին` ստեղծելով «Ազատագրական բանակ» ռազմական կազմավորումը: Նրա հրամանատարությամբ իր ստեղծած զորամիավորումը մասնակցել է Գետաշենի ենթաշրջանի, Շահումյանի և Մարտակերտի շրջանների պաշտպանական մարտերին: Լեգենդար հրամանատարը առաջիններից մեկն էր, որ նշեց «Ֆիդայական ջոկատները այս պատերազմում այլևս անելիք չունեն: Պետք է ստեղծել կարգապահ և մարտունակ բանակ»:
Հատկանշական է այն, որ յուրաքանչյուր մարտական գործողությանը նա պատրաստվում էր ամենայն մանրամասնությամբ և պատասխանատվությամբ: Պատահական չէ, որ մարտական գործողություններից միավորումը դուրս էր գալիս նվազագույն կորուստներով:
Ցավոք, 1992 թվականի հունիսի 21-ին նա զոհվեց դավադիր գնդակներից` Մատաղիս և Տոնաշեն գյուղերի հարակից բարձրունքում:
Փառապանծ հրամանատարի հիշատակը հավերժացնելու համար ծնունդով Մատաղիս գյուղից, ՀՀ ԳԱԱ նախագահության սփյուռքի բաժնի պետ, ԵՊՀ պրոֆեսոր,  ֆիզիկամաթեմատիկական գիտությունների դոկտոր, պրոֆեսոր Վանյա Բարսեղյանի և ծնունդով Տոնաշեն գյուղից` ՀՀ մշակույթի նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն, ՀՀ նախագահին կից հանրային խորհրդի մշակույթի ենթահանձնաժողովի անդամ Վլադիմիր Պողոսյանը նախաձեռնեցին և կազմակերպեցին Լեոնիդ Ազգալդյանի հուշաքարի տեղադրումը Մատաղիսից դեպի Տոնաշեն տանող ճանապարհի Թարթառ գետի կամրջի հանդիպակած ժայռին:
Հուշաքարի հանդիսավոր բացման արարողությունը մեծ շուքով տեղի ունեցավ հոկտեմբերի 13-ին (ի դեպ «13»-ը նրա գաղտնաբառն էր): Հանդիսավոր արարողությանը մասնակցում էին ԼՂՀ ՊԲ հրամանատարի անձնակազմի գծով տեղակալ, գեներալ-մայոր Ա. Մակարյանը, Մարտակերտի վարչակազմի ղեկավար Վ. Խաչատրյանը, շրջանի վարչակազմի ներկայացուցիչներ, բարձրաստիճան սպաներ, զինվորներ, Մատաղիսի և Տոնաշենի համայնքների բնակիչներ, դպրոցականներ, հյուրեր Երևանից և ԶԼՄ-ների ներկայացուցիչներ:
Հուշաքարի բացման միջոցառմանը իրենց ջերմ մասնակցությունը ունեցան Լ. Ազգալդյանի զինակից ընկերները Արցախի ազատամարտիկների միության Մարտակերտի տարածքային բաժանմունքի նախագահ Գրիգորի Միրզոյանի գլխավորությամբ:
Հուշաքարի բացման պատվին արժանացան «Ազատագրական բանակի» «Արցախյան ճակատի» հրամանատար Վլադիմիր Բալայանի մայրը` Դարիկո մայրիկը և պրոֆեսոր Վ. Բարսեղյանը:
Հուշաքարը օծեց Մարտակերտի Սուրբ Կարապետ եկեղեցու հոգևոր հովիվ Տեր Բարսեղ քահանա Անդրյանը:
Իր ելույթում գեներալ-մայոր Ա. Մակարյանը ընթերցեց ԼՂՀ կառավարության հոկտեմբերի 12-ի որոշումը Լ. Ազգալդյանի ծննդյան 70-ամյակին նվիրված միջոցառումների գրաֆիկի հաստատման մասին:
Ելույթ ունեցան Մարտակերտի վարչակազմի ղեկավար Վ. Խաչատրյան, պրոֆեսոր Վանյա Բարսեղյանը, Վլադիմիր Բալայանի մայրը` Դարիկո մայրիկը, շրջանային հիվանդանոցի վաստակաշատ բժիշկուհի տիկին Միլետա Հովհանիսյանը, վաստակաշատ ուսուցչուհի Նելլի Գասպարյանը և այլոք: Ելույթ ունեցողները հիշեցին դրվագներ Լ. Ազգալդյանի անցած մարտական ուղուց, կարևորերեցին տեղադրման նշանակությունը մատաղ սերնդի ռազմահայրենասիրական ոգու բարձրացման գործում:
Ելույթ ունեցողները և միջոցառման բոլոր մասնակիցները իրենց խորին շնորհակալությունը հայտնեցին հուշաքարի պատրաստման և տեղադրման կազմակերպիչներ պրոֆեսոր Վանյա Բարսեղյանից և Վլադիմիր Պողոսյանից, ովքեր ղարաբաղյան շարժման առաջին օրվանից անմիջական մասնակցություն են ունեցել հայրենիքի պաշտպանության համար մղված մարտական գուծողություններին:
Հուշաքարից բաժանվելիս Լ. Ազգալդյանի հայացքում կարդացի նրա իսկ ասած հետևյալ միտքը. «Մի հավատացեք եթե գան ձեզ ասեն, որ զոհվել եմ ես: Ես Իսթամբուլի պատերի տակ եմ ընկնելու»:

«Ջրաբերդ» ՀԲ միության նախագահ, 
ՀՊՏՀ-ի դոցենտ Վլադիմիր Դավթյան