Էսսեների մրցույթ
Տնտեսագիտական կրթության խրախուսման և զարգացման նպատակով Հայաստանի պետական տնտեսագիտական համալսարանը ավագ դպրոցների ավարտական դասարանների աշակերտների համար ամեն տարի կազմակերպում է տնտեսագիտական թեմաներով էսսեների հանրապետական մրցույթ: Մրցույթն իրականացվում է ՀՊՏՀ-ում, վերնագիրը որոշվում է մրցույթի օրը` վիճակահանության արդյունքում, այնուհետև մասնակիցները 2-3 էջի սահմաններում շարադրում են էսսեները։ Գնահատման հիմնական չափանիշներն են՝ շարադրանքի համապատասխանությունը թեմային, ստեղծագործական միտքը, մոտիվացիան, տրամաբանական փաստարկումը, լեզվական գրագիտությունը։ Աշխատանքները գնահատվում են համալսարանի պրոֆեսորադասախոսական կազմի 5 անդամից կազմված հանձնաժողովի կողմից։ Լավագույն երեք աշխատանքների հեղինակներն արժանանում են 100 000-ական ՀՀ դրամ կրթաթոշակի (ՀՊՏՀ ընդունվելու դեպքում), ինչպես նաև մասնակիցները ստանում են խրախուսական նվերներ։
2021 թ․ էսսեի թեման՝
Ինչու՞ դառնալ տնտեսագետ
Հաղթողներ՝
- Մերի Աբրահամյան
- Սոնա Միրումյան
- Ռոզա Սարոյան
2022 թ․ էսսեների թեմաները՝
Շրջակա միջավայրի պաշտպանությո՞ւն, թե՞ տնտեսական զարգացում
Ազգային տնտեսությունը և գլոբալացումը․ ինչպե՞ս քաղել օգուտներ
Հաղթողներ՝
- Գոհար Ալեքսանյան
- Շողիկ Նազարեթյան
- Լիլի Ղևոնդյան
2023 թ․ էսսեների թեմաները՝
Թղթադրամնե՞ր, թե՞ էլեկտրոնային փող․ ո՞րն է վճարման նախընտրելի տարբերակը
Ինչպե՞ս հզորացնել Հայաստանի մարզերի տնտեսությունը
Հաղթողներ՝
- Սաթինե Նազարյան
- Լուսինե Դավթյան
- Սրբուհի Միրումյան