Գալոյան Դիանա Ռոբերտի

Ծնվել է 1980 թ. հունվարի 4-ին Երևանում: 1996-2001 թթ.՝ սովորել է Երևանի պետական տնտեսագիտական ինստիտուտի Ընդհանուր տնտեսագիտության ֆակուլտետի «Համաշխարհային տնտեսագիտություն» բաժնում, որն ավարտել է գերազանցությամբ: 2002 թ. ընդունվել է Հայաստանի պետական տնտեսագիտական համալսարանի հեռակա ուսուցմամբ ասպիրանտուրա և 2004 թ. հաջողությամբ պաշտպանելով թեկնածուական ատենախոսությունը՝ վաղաժամ ավարտել այն ու ստացել տնտեսագիտության թեկնածուի գիտական աստիճան: 2005 թվականից աշխատում է Հայաստանի պետական տնտեսագիտական համալսարանի միջազգային տնտեսական հարաբերությունների ամբիոնում, սկզբում որպես ասիստենտ, իսկ 2006 թվականից, ստանալով դոցենտի կոչում՝ որպես դոցենտ:

2008-2012թթ. զուգահեռ աշխատել է ՀՀ գիտություների ազգային ակադեմիայի Մ. Քոթանյանի անվան տնտեսագիտության ինստիտուտում՝ որպես ավագ գիտաշխատող:

2013-2016 թթ. դասավանդել է Երևանի պետական համալսարանի Եվրոպական ուսումնասիրությունների կենտրոնում:

2013 թ. մինչև այժմ ՀՊՏՀ «Ամբերդ» հետազոտական կենտրոնի հետազոտող է:

2014 թ. պաշտպանել է դոկտորական ատենախոսությունը և ստացել տնտեսագիտության դոկտորի գիտական աստիճան:

2014-2017թթ. դասավանդել է Բրիտանական բիզնես դպրոցում (Հայաստան):

2017թ. ՀՊՏՀ գիտական խորհրդի որոշմամբ ընտրվել է Հայաստանի պետական տնտեսագիտական համալսարանի միջազգային տնտեսական հարաբերություններ ամբիոնի վարիչի պաշտոնում: 2018 թ. ՀՀ բարձրագույն որակավորման կոմիտեի որոշմամբ արժանացել է պրոֆեսորի գիտական կոչման: 2018 թվականից Ֆրիդրիխ Էբերտ հիմնադրամի Համագործակցության և խաղաղության տարածաշրջանային գրասենյակի միջազգային փորձագետ է (Ավստրիա):

2019թ. մայիսի 13-ին նշանակվել է Հայաստանի պետական տնտեսագիտական համալսարանի ուսումնական աշխատանքների գծով պրոռեկտոր: 2019թ. օգոստոսի 22-ից 2020թ. հուլիսի 1-ը եղել է ՀՊՏՀ ռեկտորի պաշտոնակատար:

Մասնակցել է բազմաթիվ ազգային և միջազգային գիտաժողովների, սեմինարների: Մասնագիտական վերապատրաստումներ է անցել ԱՊՀ և ԵՄ երկրներում:

Հեղինակ է շուրջ 57 գիտական հրապարակումների, այդ թվում 10 մենագրություն, 5 ուսումնական ձեռնարկ: Ազատ տիրապետում է ռուսերեն և անգլերեն լեզուներին:

Ունի մեկ որդի:

Էլ. հասցե` dianagaloyan@yahoo.com