ՀԵՏԱԶՈՏՈՒԹՅՈՒՆՆԵՐԻ ԿԱՌԱՎԱՐՄԱՆ ԵՎ «ԲԱՑ ԳԻՏՈՒԹՅԱՆ» ԿԱՐՈՂՈՒԹՅՈՒՆՆԵՐԻ ԶԱՐԳԱՑՈՒՄԸ ՄՈԼԴՈՎԱՅԻ ԵՎ ՀԱՅԱՍՏԱՆԻ ԲՈՒՀԵՐՈՒՄ

Նախագծի անվանում

Հետազոտությունների կառավարման և «Բաց գիտության» կարողությունների զարգացումը Մոլդովայի և Հայաստանի բուհերում «Միներվա»

Նախագծի բյուջե

Ծրագրի բյուջե․ 979.989,00 եվրո
ՀՊՏՀ բյուջե․ 82,452,00 եվրո

Նախագծի նպատակ

«Միներվա» ծրագիրը միտված է ստեղծելու բարենպաստ պայմաններ Մոլդովայի և Հայաստանի համալսարաններում Բաց գիտության հիմնական սկզբունքների ներդրման համար, քանզի Բաց գիտությունը, հետազոտությունների հրապարակայնությունը, համագործակցությունը և նորարարությունները Եվրոպական հետազոտական տարածքի հիմնասյուներն են։ Գիտության հանրահասանելիությունը արդյունավետ հիմք է հետազոտությունների թափանցիկության, տարածման, արդյունավետ համագործակցության և հաշվետվողականության ապահովման համար:

Մոլդովայի և Հայաստանի ակադեմիական հանրույթն արդեն իսկ ընդունել է Բաց գիտության սկզբունքների կարևորությունը և առավելությունը, որոնք դրսևորվում են պետական մարմինների, կրթական համակարգերի, գրադարանների, հասարակական կազմակերպությունների, գիտական ամսագրերի հրատարակիչների կողմից իրականացվող բազմաթիվ նախաձեռնությունների միջոցով:Այնուամենայնիվ, նշյալ կառույցների նորարարական ու հետազոտական աշխատանքների ոչ համակարգված բնույթը, չափանիշների ոչ լիարժեք փոխըմբռնումը այս նախաձեռնությունները դարձնում են մեկուսացված համաշխարհային ինտեգրման տեսանկյունից:

Ծրագրի նպատակներն են․

Մշակել Բաց գիտությանն առնչվող ազգային և ինստիտուցիոնալ ուղեցույցներ, ռազմավարություն և ընթացակարգեր, խրախուսման մեխանիզմներ Հայաստանի և Մոլդովայի համալսարանների համար։
Հիմնել թվանշանային պահոցներ /ռեպոզիտորիա/ և ենթակառուցվածքներ, խթանել դրանց զարգացումն ու փոխգործակցությունը գործընկեր համալսարանների միջև։
Ստեղծել հետազոտողների մարդկային ռեսուրսի կառավարման մեխանիզմներ, աջակցել գիտնականների հետազոտական կարողությունների զարգացմանը՝ բաց գիտության կայուն սկզբունքների իրականացման համատեքստում, ընդլայնել
հանրային ներգրավվածությունը և հաշվետվողականությունը՝ հատկապես պետական ֆինանսավորմամբ իրականացվող հետազոտությունների համար:

«Միներվա» ծրագրի իրականացման արդյունքում հետազոտական ոլորտում նախատեսվում է ունենալ.

բարելավված մարդկային ռեսուրսների ինստիտուցիոնալ կարողությունների զարգացման քաղաքականություն,
հետազոտական ոլորտում զարգացած տեխնիկական և բովանդակային ենթակառուցվածքներ,
գրագողության և ակադեմիական էթիկայի խախտումների դեմ պայքարի ներդրված ծրագիր,
հետազոտությունների ներդրված բազա։

Աշխատանքային փաթեթներ

ԱՓ1՝ Հետազոտական և Բաց գիտության ներուժի և փորձառության քարտեզագրում
ԱՓ2՝ Բաց գիտության մասին օրենսդրական դաշտի համակարգում
ԱՓ3՝ Բաց գիտության ենթակառուցվածքների մշակում և զարգացում
ԱՓ4՝ Հետազոտությունների կառավարման կարողությունների զարգացում
ԱՓ5՝ Որակի ապահովում և մշտադիտարկում
ԱՓ6՝ Իրազեկում, կիրառում և ազդեցության գործակցի ավելացում
ԱՓ7՝ Ծրագրի կառավարում

Ծրագրի մասնակիցներ

Մոլդովայի տնտեսագիտական ակադեմիա (համակարգող)
Մոլդովայի բժշկության և դեղագործության համալսարան
Մոլդովայի պետական տեխնիկական համալսարան
Մոլդովայի ռեկտորների խորհուրդ
Մոլդովայի կրթության, մշակույթի և հետազոտության նախարարություն
Երևանի Մ. Հերացու անվ. պետական բժշկական համալսարան
Հայաստանի պետական տնտեսագիտական համալսարան
Երևանի պետական համալսարան
Երևանի Վ. Բրյուսովի անվ. պետական լեզվահասարակագիտական համալսարան
ՀՀ Կրթության, գիտության, մշակույթի և սպորտի նախարարություն
Լիեժի համալսարան, Բելգիա
Մարկոնիի համալսարան, Իտալիա
Վալենսիայի համալսարան, Իսպանիա
Կոտ դ՝ Ազուր համալսարան, Ֆրանսիա
Մոնպելյեի համալսարան, Ֆրանսիա
Եվրոպական քաղաքականության մշակման և հետազոտության ինստիտուտ, Սլովենիա

Ծրագրի պաշտոնական կայք

http://minerva-project.ase.md/en/

Ծրագրի ֆեյսբուքյան էջ