Հաճախ տրվող հարցեր վարչական և պրոֆեսորադասախոսական անձնակազմի համար

1. Կարո՞ղ եմ դիմել այն համալսարաններին, որոնց հետ ՀՊՏՀ-ն չունի Էրազմուս+ միջհամալսարանական պայմանագիր:

Ո՛չ, դուք հնարավորություն ունեք դասավանդելու ամ վերաապատրաստվելու այն համալսարաններում, որոնց հետ ՀՊՏՀ-ն ունի Էրազմուս+ միջհամալսարանական պայմանագիր։ Այստեղ՝ կարող եք գտնել համալսարանների ցանկը, որի հետ ՀՊՏՀ-ն ունի միջհամալսարանական պայմանագիր։

2. Ի՞նչ ժամանակացույցով կարող եմ դիմել ծրագրերին և ի՞նչ փաստաթղթեր են պետք դիմելու համար, եթե ՀՊՏՀ վարչական կամ ակադեմիական աշխատակից եմ։

Յուրաքանչյուր համալսարանի համար դիմելու ժամանակահատվածները և պայմանները տարբեր են։ Ծրագրերին դիմելու համար անհրաժեշտ է հետևել ՀՊՏՀ <<Հայտարարություններ>> բաժնին։

Դասախոսական անձնակազմի համար հիմնական փաստաթղթերը հետևյալն են՝

Դիմումների ընդունման փուլ

• Ինքնակենսագրություն (Europass CV ֆորմատով և պարտադիր անգլերեն),
• Մոտիվացիոն նամակ (անգլերեն),
• Անգլերենի իմացությունը հավաստող փաստաթուղթ,
• Հյուրընկալող համալսարանում դասավանդելու համար առաջարկվող առարկայի հակիրճ նկարագիր (անգլերեն)։
• Փաստաթուղթ՝ հաշվետվության մեջ նշված պայմանավորվածությունների իրականացման վերաբերյալ, եթե նախորդ տարում մասնակցել են Էրազմուս+ ծրագրի կողմից առաջարկվող որևէ փոխանակային ծրագրի:

Հարցազրույցի փուլ

• Հյուրընկալվող համալսարանում դասավանդվող առարկայի ներկայացում պրեզենտացիայի ձևով,
• Լրացված եռակողմ համաձայնագիր։

Վարչական անձնակազմի համար հիմնական փաստաթղթերը հետևյալն են՝

• Ինքնակենսագրություն (Europass CV ֆորմատով և պարտադիր անգլերեն),
• Մոտիվացիոն նամակ (անգլերեն),
• Անգլերենի իմացությունը հավաստող փաստաթուղթ,
• Լրացված եռակողմ համաձայնագիր

3. Որո՞նք են այն հիմնական փաստաթղթերը, որոնք անհրաժեշտ են ՀՊՏՀ-ում դասավանդելու կամ վերապատրաստվելու համար։

Վարչական և ակադեմիական անձնակազմի համար հիմնական փաստաթղթերը հետևյալն են՝

• Դիմում-հայտ,
• Ինքնակենսագրություն (Europass CV ֆորմատով և պարտադիր անգլերեն),
• Լրացված եռակողմ համաձայնագիր վարչական և դասախոսական անձնակազմի համար
• Անձնագիր/ID
• Ակադեմիական փոխանակման դեպքում դասավանդվող առարկայի հակիրճ նկարագիրը։

4. Ո՞ր ասպեկտները պետք է հաշվի առնել մոտիվացիոն նամակը գրելիս։

Մոտիվացիոն նամակը պետք է շարադրված լինի անգլերենով, 200-500 բառի սահմաններում։ Բովանդակային առումով սահմանափակումներ չկան, սակայն մենք խորհուրդ ենք տալիս ընդգրկել հետևյալ կետերը՝

• Որո՞նք են այն հիմնական պատճառները, որ դուք ուզում եք սովորել տվյալ համալսարանում, երկրում,
• Ինչպե՞ս կանդրադառնա արտերկրում գտնվելը ձեր ուսումնասիրությունների և հետազոտական աշխատանքների վրա։

5. Կարո՞ղ եմ դիմել մեկից ավելի ծրագրերի տվյալ կիսամյակում։

Այո՛, դուք կարող եք դիմել ՀՊՏՀ <<Հայտարարություն>> բաժնում տեղադրված բոլոր ծրագրերին, որոնք տվյալ պահին կլինեն ակտիվ։

6. Եթե մեկ անգամ եղել եմ Էրազմուս+ կրթաթոշակակիր, կարո՞ղ եմ մասնակցել երկրորդ անգամ։

Դուք ծրագրերին կարող եք դիմել երկրորդ անգամ, սակայն առավելությունը տրվում է այն աշխատակիցներին, ովքեր չեն եղել կրթաթոշակակիր։

7. Ի՞նչ լեզվով է իրականացվում Էրազմուս+ ծրագիրը։

Էրազմուս+ ծրագիրը իրականացվում է անգլերենով։

8. Ի՞նչքան է տևում փոխանակման ծրագիրը։

Դասավանդման ծրագրի տևողությունը նվազագույնը 5 օր է, առավելագույնը՝ 12՝ կախված հյուրընկալող համալսարանի հետ նախապես ձեռք բերված պայմանավորվածությունից: Հյուրընկալող համալսարանում դասավանդման նպատակով մեկնելու դեպքում դասավանդման նվազագույն տևողությունը պետք է լինի շաբաթական 8 ժամ:

9. Ինչպե՞ս ստանալ վիզա։

Վիզայի գործընթացի մասին տեղեկատվություն կարող եք ստանալ այստեղ։ Հարցերի դեպքում կարող եք դիմել ՀՊՏՀ Միջազգային կապերի բաժին erasmus.asue@gmail.com Էլ․- հասցեով։

10. Ինչպե՞ս գտնել կացարան։

ՀՊՏՀ-ում սովորելու համար դուք կարող եք վարձել անհատական բնակարան, ուսանողական հոսթելներ կամ հանրակացարաններ։ Հարցերի դեպքում կարող եք դիմել ՀՊՏՀ Միջազգային կապերի բաժին erasmus.asue@gmail.com Էլ․հասցեով։

11. Ինչքա՞ն է կազմում կրթաթոշակի չափը։

Կրթաթոշակի չափը տարբերվում է կախված ՀՊՏՀ գործընկեր համալսարանից։