Տնտեսագիտական հետազոտություններ

«Ամբերդ» հետազոտական կենտրոնը, ձգտելով իր նպաստը բերել Հայաստանի Հանրապետության տնտեսական զարգացման, մրցունակության բարձրացման և պետական կառավարման լավարկման ռազմավարությունների մշակմանը, իրականացրել է երկու տասնյակի հասնող հետազոտական ծրագրեր, որոնց ամփոփ արդյունքներն առաքվել են պետական կառավարման մարմիններին և այս խնդիրներով հետաքրքրված hայաստանյան մյուս հետազոտական կենտրոններին:

Կենտրոնի կողմից իրականացվել են՝

- ՀՀ մարզերում փոքր և միջին ձեռնարկատիրության խթանման,

- գործազրկության կրճատման և աշխատանքի վարձատրության անհավասարությունների համահարթեցման,

- արտագնա աշխատանքային միգրացիայի կանոնակարգման,

- Հայաստանում ընդերքի օգտագործման ոլորտում նորամուծական մեթոդների ներդրման,

- պարենային և առաջին անհրաժեշտության ոչ պարենային ապրանքների շուկաներում մրցակցային իրավիճակի և դրա կարգավորման արդյունավետ մոտեցումների մշակման,

- տնտեսական մրցակցության կարգավորման,

- ֆինանսական համակարգի,

- տրանսպորտային ենթակառուցվածքների բարելավման,

- շինարարության ճյուղի խթանմամբ տնտեսական աճի ապահովման հնարավորությունների,

- արտահանման խթանման և բազմազանեցման,

- տնտեսության մեջ սփյուռքի ներդրումների խնթանման,

- տարածքային համաչափ զարգացման,

- ԵԱՏՄ անդամակցության տնտեսական հեռանկարների,

- հարկաբյուջետային քաղաքականության լավարկման,

- տնտեսության տեխնոլոգիական ներուժի գնահատման,

- պետական կառավարման և տեղական ինքնակառավարման համակարգերի լավարկման գերակա ուղղությունների հետազոտություններ,

Այս հետազոտությունների իրականացման նպատակահարմարությունը որոշվել է ՀՀ կառավարության տարբեր գերատեսչությունների հետ քննարկումների արդյունքում:

Կենտրոնում հետազոտություններն իրականացվում են ոչ միայն պաշտոնական վիճակագրական աղբյուրների, այլև «Ամբերդ» հետազոտական կենտրոնի կողմից իրականացվող դիտարկումների, փորձագիտական և սոցիոլոգիական հարցումների հիման վրա:

Մեզ մոտ աշխատում և մեր կենտրոնի հետ համագործակցում են տնտեսագիտության, վիճակագրության և կառավարման բնագավառներում փորձառու և բարձր որակավորում ունեցող հետազոտողներ:

Տնտեսագիտական հետազոտությունների բնագավառում «Ամբերդը» ներկայումս մասնագիտացել է հետևյալ ուղղություններով.

- Մակրոտնտեսական վերլուծությունների և կանխատեսումների իրականացում,

- Տնտեսության ճյուղերի և ոլորտների համալիր հետազոտություն,

- Տնտեսության ճյուղերի զարգացման ծրագրերի մշակում,

- Պետական կառավարման և տեղական ինքնակառավարման համակարգերի հետազոտությունների իրականացում,

- Սոցիալական ոլորտի հետազոտությունների իրականացում,

- Ապրանքային շուկաների մարքեթինգային հետազոտությունների իրականացում,

- Տնային տնտեսությունների հետազոտությունների իրականացում,

- Ֆինանսական շուկաների հետազոտությունների իրականացում: