Անվանական կրթաթոշակ «ԼԻԳԱ Ինշուրանս»-ից

«ԼԻԳԱ Ինշուրանս» ընկերությունը (իրավահաջորդ՝ՌԳՍ-Արմենիայի)  հայտարարում է անվանական կրթաթոշակի մրցույթ, որին կարող են հավակնել բակալավրիատի 2-րդ, 3-րդ և 4-րդ կուրսի ուսանողները, որոնք հետաքրքրված են ապահովագրությամբ, մեծ ցանկություն ունեն «ԼԻԳԱ Ինշուրանս» ընկերությունում կառուցելու իրենց աշխատանքային կարիերան և զարգացնելու ապահովագրության ոլորտը Հայաստանում։

Ընկերությունից տեղեկացնում են, որ նախորդ տարվա կրթաթոշակակիրների 80%-ի հետ կնքվել են աշխատանքային համագործակցության պայմանագրեր:

Այս տարի ընտրված ուսանողները կստանան․

• ·տվյալ ուսումնական տարվա վարձի 50%-ի չափով կրթաթոշակ,
• հնարավորություն առաջնահերթության կարգով մասնակցելու ընկերության կողմից իրականացվող տարբեր ծրագրերին,
• հնարավորություն իրենց նախընտրելի մասնագիտական բաժիններում ստաժավորում անցնելու,
• առաջնահերթության կարգով մասնակցելու թափուր հաստիքների համար հայտարարված մրցույթներին:

Մրցույթի պայմաններին և կրթաթոշակ ստանալու դիմում-հայտերի ընդունման կարգին կարող եք ծանոթանալ ընկերության հայտարարությունում։

Դիմումների ընդունման վերջնաժամկետը ս․թ․հոկտեմբերի 15-ն է։