Տեղեկատվություն ՀՊՏՀ քոլեջի դիմորդների համար
Հայաստանի պետական տնտեսագիտական համալսարանի ֆինանսատնտեսագիտական քոլեջը (Հասցե` ՀՀ, ք.Երևան, Ավան, Բաբաջանյան փ. 9) միջին մասնագիտական կրթական հաստատություն է:
Այն իրականացնում է ընդունելություն միջին մասնագիտական և նախնական մասնագիտական (արհեստագործական) կրթական ծրագրերով: Հայտագրումը կմեկնարկի հուլիսին, քոլեջի ընդունող հանձնաժողովում:
2019-2020 ուսումնական տարվա համար միջին մասնագիտական կրթական ծրագրով ընդունելությունը կատարվում է հետևյալ մասնագիտությունների գծով՝
- Ֆինանսներ
- Մենեջմենթ
- Հաշվապահական հաշվառում
- Բանկային գործ
- Ապահովագրական գործ :
Նախնական (արհեստագործական) մասնագիտական կրթական ծրագրով՝ նշված մասնագիտությունների գծով՝
- Խոհարարական գործ
- Եռակցման աշխատանքների տեխնոլոգիա
- Տրանսպորտային միջոցների շահագործում և նորոգում:
Երկու կրթական ծրագրերով էլ ուսումնառությունը տևում է 3 տարի:
Ընդունելության համար անհրաժեշտ փաստաթղթերն են՝
- 9-ամյա կրթության վկայական
- 3X4 չափի 4 լուսանկար
- անձնագրի, ծննդյան վկայականի և սոցիալական քարտի պատճեններ:
Ընդունելությունը կատարվում է 9-ամյա կրթության վկայականի գնահատականների հիման վրա՝ մրցութային կարգով:
ՀՊՏՀ ֆինանսատնտեսագիտական քոլեջի ընդունելության մասին առավել մանրամասն տեղեկություններ կհաղորդենք առաջիկայում: Հարցերի դեպքում կարող եք զանգահարել քոլեջ՝ նշված հեռախոսահամարով՝ 010 62 72 01:
Տեղեկատվությունը՝ ՀՊՏՀ ֆինանսատնտեսագիտական քոլեջի տնօրենի օգնական Լիլիթ Դալլաքյանից: