Գրական մրցույթ՝ գրքի և մայրենիի տոներին ընդառաջ
Գիրք նվիրելու և Մայրենի լեզվի օրերին ընդառաջ ՀՊՏՀ լեզուների ամբիոնը հայտարարում է հեղինակային ստեղծագործությունների մրցույթ (արձակ կամ չափածո)։
Մրցույթի նպատակն է ճանաչել, բացահայտել և խրախուսել ՀՊՏՀ ստեղծագործող ուսանողներին:
Անվանակարգեր
- Լավագույն արձակ
- Լավագույն պոեզիա
- Հայրենասիրական թեմայով լավագույն աշխատանք
- Սիրո թեմայով լավագույն աշխատանք
- Խոհափիլիսոփայական թեմայով լավագույն աշխատանք
Գնահատման չափանիշներ
- ժանրային իրացում
- լեզու և ոճ
- գեղարվեստական մտածողության ինքնատիպություն
Ստեղծագործությունները կարող եք ներկայացնել ՀՊՏՀ լեզուների ամբիոն նոյեմբերի 1-ից մինչև հունվարի 31-ը, ինչպես նաև ուղարկել asuemrcuyt1@gmail.com էլեկտրոնային հասցեին՝ նշելով հետադարձ կապի տվյալներ (հեռախոսահամար, էլհասցե)։
Աշխատանքները կամփոփվեն 2023 թվականի մարտի 7-ին, ժամը 13։30 ՀՊՏՀ Մ․ Ադոնցի անվան գիտական գրադարանի ընթերցասրահում կայանալիք հանդիսավոր միջոցառման ժամանակ։
Լավագույն ստեղծագործությունները կհրապարակվեն ՀՊՏՀ բլոգում։
Սիրով սպասում ենք ձեր ստեղծագործություններին։
Հայտարարությունը՝ ՀՊՏՀ լեզուների ամբիոնից