«Ամբերդ» կենտրոնի տնօրենը մասնակցել է ՌԴ Յասինյան 24-րդ գիտաժողովին
Սույն թվականի ապրիլի 6-ին «Ամբերդ» հետազոտական կենտրոնի տնօրեն, տ.գ.դ., պրոֆեսոր Դավիթ Հախվերդյանը Մոսկվայում մասնակցել է ՌԴ «Տնտեսագիտության բարձրագույն դպրոց» ազգային հետազոտական համալսարանի (Национальный исследовательский университет «Высшая школа экономики» (НИУ ВШЭ)) կողմից կազմակերպված Յասինյան 24-րդ գիտաժողովի շրջանակներում տեղի ունեցած կլոր սեղանին: Այն կրում էր «ԵԱՏՄ առևտրի ոլորտում ինտեգրացիոն գործընթացների գնահատում. ինտեգրման համաթիվը 2023 թ. և կարճաժամկետ թրենդները» անունը։ Կլոր սեղանի ընթացքում ներկայացվեցին նաև «Ամբերդ» հետազոտական կենտրոնի աշխատակիցներ Դավիթ Հախվերդյանի, Սամվել Ավետիսյանի, Ռուզաննա Թադևոսյանի, Անի Խաչատրյանի և Արաքսյա Բարսեղյանի համահեղինակած՝ «ԵԱՏՄ առևտրի ոլորտում ինտեգրացիոն գործընթացների գնահատում. 2023» ամենամյա միջազգային զեկույցի առավել կարևոր դրույթները։ Դավիթ Հախվերդյանն անդրադարձավ ԵԱՏՄ անդամ երկրներում ագրոարդյունաբերական համալիրի զարգացման, այդ թվում՝ կոոպերացման հիմնախնդիրներին:
Զեկույցի ամբողջական տարբերակը՝ այստեղ։
Մեր փորձագետների կողմից պատրաստված ամենամյա զեկույցին անդրադարձել է նաև vestikavkaza ամսագիրը։