Հայաստանի պետական տնտեսագիտական համալսարան է ընդունվել 981 դիմորդ. ընդունվածների ցուցակները` ՀՊՏՀ պաշտոնական կայքում
ՀՀ պետական և ոչ պետական բուհերի առկա ուսուցման 2015-2016 ուսումնական տարվա համար բակալավրի ծրագրով ընդունելության անվճար և վճարովի ուսուցման մրցույթների արդյունքներն արդեն հայտնի են և հրապարակվել են:
ՀՊՏՀ ընդունող հանձնաժողովի պատասխանատու քարտուղար Մերի Բադալյանի տեղեկացմամբ՝ Հայաստանի պետական տնտեսագիտական համալսարան է ընդունվել 981 դիմորդ (7-ը՝ արտոնություններով), 84-ը՝ անվճար, այդ թվում՝ 10-ը ՀՀ պաշտպանության նախարարության հայտով:
Ցածր միավորներ վաստակած դիմորդներին, ովքեր չեն հաղթահարել մրցութային շեմը, խորհուրդ ենք տալիս չվհատվել և մասնակցել ՀՊՏՀ բակալավրիատի հեռակա ուսուցման ընդունելության մրցույթին:
2015-2016 ուսումնական տարվա համար ՀՊՏՀ բակալավրի ծրագրով ընդունելության անվճար և վճարովի առկա ուսուցման տեղերի մրցույթների ցուցակները մեզ տրամադրել է ՀՊՏՀ ընդունող հանձնաժողովը:
Արտոնությամբ ընդունված դիմորդների ցուցակը՝ այստեղ, անվճար ընդունված դիմորդների ցուցակը՝ այստեղ, վճարովի ընդունվածներինը՝ այստեղ:
Շնորհավորում ենք բոլոր ընդունվածներին:
ՀՊՏՀ Լրատվության և հասարակայնության հետ կապերի բաժին