Տնտեսագիտական համալսարանն անցնում է առցանց ուսուցման
Հայաստանի պետական տնտեսագիտական համալսարանը բոլոր կրթաձևերում/առկա, հեռակա/ և բոլոր մակարդակներում/բակալավրիատ, մագիստրատուրա և ասպիրանտուրա/ հոկտեմբերի 26-ից նոյեմբերի 15-ն անցնում է առցանց ուսուցման՝ հիմք ընդունելով COVID-19 համավարակի տարածմամբ Հայաստանի Հանրապետությունում ստեղծված համաճարակային իրավիճակի վերաբերյալ Հայաստանի Հանրապետության փոխվարչապետի սույն թվականի հոկտեմբերի 25-ի գրությունը և Հայաստանի Հանրապետությունում վերջին օրերին COVID-19 հիվանդության կտրուկ աճի միտումը, համաճարակային իրավիճակը վերահսկելու և հիվանդության տարածումը զսպելու նպատակով ՀՀ ԿԳՄՍՆ գրությունը։
Դասացուցակները չեն փոխվի, և դասապրոցեսը կիրականացվի հաստատված և հրապարակված դասացուցակների հիման վրա։ Առցանց դասերի կազմակերպման Zoom-ի հղումները ուսանողներին կտրամադրեն դասախոսները։ Գրադարանը աշխատանքային օրերին ու ժամերին բաց է լինելու, և սպասարկումն իրականացվելու է անխափան։ Միևնույն ժամանակ նշենք, որ ՀՊՏՀ առցանց գրադարանում առկա գրականությունը հասանելիություն կունենա նաև բուհի տարածքից դուրս։
Հեռակա կրթաձևի ուսանողներին ուսումնական գործընթացի վերաբերյալ լրացուցիչ տեղեկատվություն և այլ պարզաբանումներ կհաղորդենք առաջիկայում։ Խնդրում ենք հետևել ՀՊՏՀ պաշտոնական կայքին և ֆեյսբուքյան էջին։