Միջազգային ամառային դասընթացի հրավեր

Տարածաշրջանային գիտության միջազգային ասոցացիան (Regional Science Association International) կազմակերպում է միջազգային ամառային դասընթաց՝ «Տարածաշրջանային կայուն զարգացմանն ուղղված միջդիսցիպլինար վերլուծություն և ռազմավարություն» խորագրով, որը տեղի կունենա 2015թ. հունիսի 1-5-ը, Հայաստանում:

Դասընթացը կվարեն միջազգային ճանաչում ունեցող մասնագետներ և կքննարկվեն հետևյալ թեմաները՝

• Տարածաշրջանային աճ և անհամաչափություն,
• Ֆիսկալ ապակենտրոնացում, արդյունավետություն և աճ,
• Տարածաշրջանային զարգացում և տարածքային կառավարում,
• Կառավարման որակը և տարածական անհավասարությունը,
• Համաշխարհային ֆինանսական ճգնաժամի հետևանքները,
• Ներդրումներ և ազդեցության գնահատում,
• Նորարարություններ և ձեռներեցություն,
• Կայուն զարգացում և գլոբալիզացիա,
• Գյուղատնտեսական ոլորտի տարածական մոդելներ,
• Տարածական մոդելի ներմուծումը էներգետիկ համակարգի օպտիպալացման գործընթաց,
• և այլն:

Հայտերի ընդունման վերջնաժամկետն է՝մարտ 2, 2015թ.
Դասընթացի աշխատանքային լեզուն անգլերենն է:

Հայտը պետք է ներառի հետևյալ տեղեկությունները՝

- Գիտական ինքնակենսագրություն (ներառյալ՝ անուն, ազգանուն, սեռ, հասցե, ծննդյան ամսաթիվ, ներկայիս կարգավիճակը և զբաղեցրած պաշտոնը),

- Նախկին և ներկայիս գիտական աշխատությունների կարճ նկարագրություն,

- Գիտաժողովի ընթացքում ներկայացվելիք նյութի վերնագիրը և ընդլայնված աբստրակտը,

Մանրամասների համար կարող եք այցելել  դասընթացի պաշտոնական վեբ-կայք՝ http://www.armenia2015.regionalscience.org/index.html

Հայտարարությունը տրամադրել է ՀՊՏՀ արտաքին կապերի բաժինը: