ՀՊՏՀ գիտաուսումնական լաբորատորիաները հրավիրում են սեմինարի
ՀՊՏՀ գիտության և ասպիրանտուրայի բաժնից հայտնում են, որ ս.թ. հոկտեմբերի 17-ին, ժամը 14:00 ՀՊՏՀ նիստերի սրահում կկայանա «Ֆինանսական ներգրավվածություն» և «Դրամավարկային քաղաքականություն և տնտեսական աճ» գիտաուսումնական լաբորատորիաների սեմինարը «Ֆինանսական գրագիտությունը որպես ֆինանսական ներգրավվածության և տնտեսական աճի ելակետ» խորագրով:
Սեմինարին քննարկումները կծավալվեն հետևյալ ուղղություններով.
- Ֆինանսական գրագիտություն-ֆինանսական ներգրավվածություն
(փոխառնչություն), - Ֆինանսական կրթություն,
- Ֆինանսական ներգրավվածություն և տնտեսական աճ:
Սեմինարի բանախոսներն են՝
Սերգեյ Սուքիասյան - «Ֆինանսական ներգրավվածություն» գիտաուսումնական լաբորատորիայի ղեկավար, տնտեսագիտության դոկտոր, դոցենտ:
Կարինե Համբարյան - «Ֆինանսական ներգրավվածություն» գիտաուսումնական լաբորատորիայի փորձագետ խորհրդատու, ՀՀ ԿԲ Ֆինանսական կայունության մոնիտորինգի բաժնի ղեկավար
Աշոտ Մաթևոսյան - «Դրամավարկային քաղաքականություն և տնտեսական աճ» գիտաուսումնական լաբորատորիայի ղեկավար, տնտեսագիտության դոկտոր, պրոֆեսոր:
Ակնկալում ենք Ձեր մասնակցությունը վերը նշված միջոցառմանը: