Լեհաստանում կայանալիք միջազգային վերապատրաստման շաբաթին մասնակցելու հնարավորություն
Հայաստանի պետական և Վարշավայի (Լեհաստան) տնտեսագիտական համալսարանների միջև «Էրազմուս+» ծրագրի շրջանակում կնքված պայմանագրի համաձայն` վերոնշյալ համալսարանը ՀՊՏՀ վարչական անձնակազմի անդամներին հրավիրում է մասնակցելու միջազգային վերապատրաստման շաբաթին, որը տեղի կունենա 2024 թ․ հոկտեմբերի 21-25-ը։
ՀՊՏՀ անձնակազմի վարչական աշխատակիցները վերապատրաստման շաբաթի ընթացքում հնարավորություն կստանան փոխանակելու իրենց փորձը, դիտարկելու համագործակցության ընդհանուր ոլորտներն ու համատեղ ծրագրերը։ Հագեցած մեկ շաբաթը մասնակիցներին նաև հնարավորություն կտա ձեռք բերելու նոր գիտելիք և ամուր գործընկերային կապեր հաստատելու տարբեր երկրների մասնակիցների հետ։
Ծրագրին մասնակցելու համար վարչական աշխատակիցները մինչև ս․թ․ հուլիսի 19-ը, ժամը 23։59 կարող են լրացնել հետևյալ հայտը։
Ծրագրին կարող են դիմել միայն ՀՊՏՀ հիմնական և համատեղությամբ աշխատողները։
Դիմողները միջազգային կապերի բաժնի կողմից իրենց հայտը ստանալու մասին կհավաստիանան՝ վերջնաժամկետի ավարտից հետո պատասխան նամակ ստանալով: Ոչ պատշաճ կերպով լրացված, ինչպես նաև վերջնաժամկետի ավարտից հետո ուղարկված հայտերը չեն դիտարկվի:
Հարցերի դեպքում կարող եք գրել բաժնի int.mobility@asue.am էլփոստին: