Փոխանակման ծրագիր` Ուրալի պետական տնտեսագիտական համալսարանից
Հարգելի ուսանողներ, ՀՊՏՀ միջազգային կապերի բաժնից հայտնում են, որ Ուրալի պետական տնտեսագիտական համալսարանը հայտարարում է 2021թ. գարնանային կիսամյակի ընդունելություն` ակադեմիական փոխանակման ծրագրերին մասնակցելու համար՝ օնլայն ձևաչափով։
Փոխանակման ծրագրերին կարող են մասնակցել բակալավրի ու մագիստրատուրայի ուսանողները՝ բացի բակալավրի 1-ին, և բակալավրի ու մագիստրատուրայի ավարտական կուրսերի ուսանողներից։
Օնլայն կրթական ծրագրերով ակադեմիական փոխանակման համար փաստաթղթերը ընդունվում են մինչև 2021թ. հունվարի 29–ը։
Օնլայն կրթական ծրագրերի համար փոխանակումն իրականացվում է հետևյալ մասնագիտական ուղղություններով՝
- Տնտեսագիտություն
- Կառավարում
- Անձնակազմի կառավարում
- Իրավագիտություն
- Պետական և մունիցիպալ կառավարում
Տվյալ ուղղություններով մասնագիտությունների ցանկը հայտնի կլինի հունվար ամսի կեսերից։
Օնլայն ձևաչափով փոխանակման ծրագրերին մասնակցելու համար անհրաժեշտ է ներկայացնել հետևյալ փաստաթղթերի ցանկը՝
- Ուղղորդիչ նամակ ուղարկող համալսարանի կողմից (письмо о направлении по обмену)
- Անձնագրի պատճեն
- Մոտիվացիոն նամակ
- Դիմումի ձև (Application form)
- Ուսուցման պայմանագիր (Learning Agreement)
Եթե հետաքրքրված եք տվյալ ծրագրերով, ապա մանրամասն ծանոթացեք փաստաթղթերի ցանկին, մասնագիտական ուղություններին և ուսանողի ուղեցույցին, որից հետո կարող եք Ձեր ինքնակենսագրականներն ուղարկել ՀՊՏՀ միջազգային կապերի բաժին՝ մինչև 2021 թ․-ի հունվարի 15-ը (cooperation.asue@gmail.com)։