Մեկնարկել է Global UGRAD փոխանակային ծրագիրը
![](https://asue.am/images/1573044582/15f200fb526b56b9f4f8c4d2.jpg)
Մեկնարկել է Global UGRAD փոխանակային ծրագիրը, որի նպատակներից է տրամադրել 1 կիսամյակի համար նախատեսված փոխանակման փորձառություն գործընկեր-երկրների, այդ թվում՝ Հայաստանի ուսանողներին ԱՄՆ-ի համալսարաններում: Փորձառության շնորհիվ վերջիններս ձեռք կբերեն բազմաթիվ մասնագիտական հմտություններ և գիտելիքներ, որոնք կնպաստեն նրանց կարիերայի երկարաժամկետ աճին: Global UGRAD փոխանակային ծրագիրը թիրախավորում է նաև աջակցել ուսանողներին սոցիալական կապեր ստեղծել ԱՄՆ հյուրընկալող հաստատությունների և տեղական համայնքների հետ:
![](https://asue.am/images/1573044582/13df4aa583c7b8a4edbf5352.jpg)
Ծրագրին կարող են դիմել առկա ուսուցման բակալավրիատի 18 տարին լրացած ուսանողները, ովքեր ծրագրի ավարտից հետո պետք է սովորեն նվազագույնը 1 կիսամյակ ևս: Ուսանողները կարող են դիմել ծրագրին՝ սկսած ուսումնառության 2-րդ կիսամյակից:
Մասնակցության հայտերն ընդունվում են մինչև 2019թ․ դեկտեմբերի 31-ը։
UGRAD-ի վերաբերյալ մանրամասն տեղեկությունների և հայտ ներկայացնելու համար` այցելեք այստեղ:
Տեղեկատվությունը՝ ՀՊՏՀ միջազգային կապերի բաժնից: