ՀՊՏՀ ուսանողները հրավիրում են մասնակցելու 2-օրյա Գաղափարատոնի
Հրաշալի նորություն ՀՊՏՀ այն ուսանողների համար, որոնք ցանկանում են զարգացնել իրենց բիզնես հմտությունները կամ իրենց գաղափարը վերածել բիզնեսի։ Հայաստանի պետական տնտեսագիտական համալսարանը, Հեռահաղորդակցության միջազգային միությունը և Հայաստանի օպերատորների միությունը հրավիրում են մասնակցելու 2-օրյա Գաղափարատոնի։ Գործնական սեմինարները և թիմային առաջադրանքները նախագծված են այն ուսանողների համար, որոնք ձգտում են բացահայտել և զարգացնել իրենց ձեռնարկատիրական ներուժը: Սկսած ստարտափների էությունը հասկանալուց մինչև պրոդուկտի նախնական տարբերակի նախագծում՝ այս միջոցառումը հնարավորություն կընձեռի էլ ավելի մոտենալ իրական բիզնեսին։ Ի՞նչ կստանաք Գաղափարատոնին մասնակցելով։
- Կիմանաք, թե ինչ է ստարտափը, որտեղից կարող եք սկսել ձեր ձեռնարկատիրական ճանապարհորդությունը:
- Կծանոթանաք նորարարական գաղափարներ գեներացնելու մեթոդներին և տեխնիկաներին։
- Կզարգացնեք պրեզենտացիոն հմտություններ և կսովորեք ձեր բիզնես գաղափարը մանրամասն ներկայացնել 4-5 րոպեի ընթացքում։
- Կիմանաք, թե ինչպես կարող եք ֆինանսավորում ստանալ ձեր բիզնես գաղափարն իրականացնելու համար։
- Հնարավորություն կստանաք ներկայացնելու ձեր բիզնես գաղափարը և հաղթելու դեպքում ստանալու դրամական մրցանակներ, ծրագրային լուծումների անվճար փաթեթներ։
- Կստանաք մասնակցության հավաստագրեր ՀՊՏՀ-ի, ՀՄՄ-ի և ՀՕՄ-ի կողմից։
Ո՞վ կարող է դիմել։
- Ծրագրին մասնակցելու հնարավորություն ունեն ինչպես անհատ ուսանողները, այնպես էլ արդեն պատրաստի թիմերը՝ իրենց բիզնես գաղափարներով։
Ծրագրի անցկացման ժամանակացույց՝
- Դեկտեմբերի 14-15
Ծրագրի աշխատանքային լեզուն`
- Հայերեն, ռուսերեն և անգլերեն
Ծրագրի մանրամասները և օրակարգը
Ծրագրին դիմելու համար անհրաժեշտ է մինչև ս․թ․ դեկտեմբերի 1-ը լրացնել սույն հարթաթերթիկը