Կլոր սեղան-քննարկում՝ EUCON նախագծի շրջանակում
Հունիսի 15-ին, ժամը 15:00-ին, ՀՊՏՀ միջազգային ծրագրերի կենտրոնում, «ԵՄ և ԵԱՏՄ. հակամարտության և մրցակցության միջև, մերձեցում և համագործակցություն (EUCON)» նախագծի շրջանակում, տեղի կունենա կլոր սեղան-քննարկում:
Կլոր սեղան-քննարկման նպատակը փորձագետների և գիտնականների միջև կառուցողական բանավեճի միջոցով Հայաստանի արտաքին քաղաքականության ավելի խոր ու համակողմանի ըմբռնումն է։
Կլոր սեղանի մասնակիցներ կարող են լինել.
- Ակադեմիական հաստատությունների ներկայացուցիչները,
- Ուսանողները,
- Հետազոտական ինստիտուտների ղեկավար անձնակազմը,
- Հետազոտողները,
- Պետական կառավարման մարմինները,
- Մասնագիտական խմբերը,
- Քաղաքացիական հասարակության ներկայացուցիչները,
- Լայն հանրությունը:
Կլոր սեղան-քննարկման մասնակիցները/պանելիստները կլինեն հետևյալ կառույցների ներկայացուցիչները.
- Հայաստանի պետական տնտեսագիտական համալսարան /Հայաստան/
- Նորարարության և ձեռներեցության ազգային կենտրոն /Հայաստան/
- «Էրազմուս +» Ազգային գրասենյակ Հայաստանում
- ՀՀ նախարարություններ /Հայաստան/
- Կիրառական գիտությունների համալսարան BFI /Վիեննա/
- Պասաուի համալսարան /Գերմանիա/
- Հարավային դաշնային համալսարան /Ռուսաստան/
Կլոր սեղան-քննարկման արդյունքում.
- Գիտական համայնքի (ինչպես երիտասարդ, այնպես էլ փորձառու հետազոտողների) վրա կարճաժամկետ ազդեցությունը լինելու է Հայաստանի արտաքին քաղաքականության ավելի խոր ու համակողմանի ըմբռնումը։
- Պանելային քննարկումն իր ազդեցությունը կունենա նաև արտաքին քաղաքականության ոլորտի մասնագետների վրա՝ հայացք նետելով և գնահատելով Հայաստանի անցյալ և ներկա արտաքին քաղաքականությունը։
Օրակարգը կտեղադրվի միջոցառման քննարկման բաժնում։ Քննարկման աշխատանքային լեզուն անգլերենն է։
Միջոցառմանը մասնակցությունն անվճար է։ Մասնակցության համար պարզապես անհրաժեշտ է նախապես գրանցվել այստեղ։
Հարցերի դեպքում կարող եք կապ հաստատել ՀՊՏՀ միջազգային կապերի բաժնի հետ՝ հետևյալ էլփոստով՝ int.projects@asue.am կամ հեռախոսահամարով՝ +37410593484։
Միջոցառման օրակարգն այստեղ: