Tableau ծրագրի խորացված դասընթացի հրավեր

Հայաստանի պետական տնտեսագիտական համալսարանը հրավիրում է մասնակցելու առաջատար Tableau ծրագրի խորացված դասընթացին, որի շրջանակներում ձեռք կբերեք նորագույն հմտություններ և հնարավորություն՝ դառնալու տվյալների վերլուծության և մոդելավորման գիտակ։ Եթե ցանկանում եք մուտք գործել տվյալների և դրանց վիզուալացման հետաքրքիր աշխարհ, ապա այս բացառիկ դասընթացը հենց ձեզ համար է։ Դասընթացն անվճար է և նախատեսված է բացառապես ՀՊՏՀ ուսանողների համար։

Մասնակցելով այս ծրագրին, դուք ձեռք կբերեք․

• Tableau Desktop-ի, Tableau Prep Builder-ի և Tableau Server-ի հիմնական գործիքների տիրապետում,
• տվյալների պատրաստման և վերլուծության առաջադեմ մեթոդների կիրառում,
• ինտերակտիվ վահանակների և հաշվետվությունների ստեղծում Tableau Desktop ծրագրի միջոցով,
• տվյալների մշակում, մաքրում և մոդելավորում Tableau Prep Builder-ի միջոցով,
• բազմաբնույթ տվյալների աղբյուրների հետ աշխատանքի փորձ։

Դասընթացը կվարի պրոֆեսիոնալ և որակավորված մասնագետ, ՀՊՏՀ շրջանավարտ Գրիգոր Ոսկերչյանը, ով ունի Tableau ծրագրի հետ աշխատանքի բազմամյա փորձ։

Tableau-ն մեծ տվյալների հետ աշխատելու առաջատար ծրագիր է և հզոր վիզուալ վերլուծության հարթակ, որը թույլ է տալիս մարդկանց և կազմակերպություններին առավելագույն արդյունավետությամբ օգտագործել իրենց տվյալները: Tableau-ն նպաստում է կազմակերպություններում որոշումների ընդունման գործընթացի արագացմանը՝ տրամադրելով հեշտ հասկանալի և ինտերակտիվ տվյալների վիզուալացումներ:

Մասնակցության պայմանները՝

• լինել ՀՊՏՀ ուսանող,
• հաղթահարել հարցազրույցի փուլը,
• ունենալ անձնական դյուրակիր համակարգիչ (նոթբուք)։

Դասընթացի ժամանակացույցը՝

• մեկնարկ՝ հուլիսի 8,
• տևողություն՝ 40 ժամ,
• դասընթացի անցկացման վայր՝ ՀՊՏՀ,
• հաճախականություն՝ շաբաթական 3 անգամ (երկուշաբթի, չորեքշաբթի, ուրբաթ),
• յուրաքանչյուր դասի տևողությունը՝ 2.5 ժամ։

Մասնակցության համար անհրաժեշտ է մինչև ս․թ․ հուլիսի 2-ը լրացնել սույն հարցաթերթը։

Բաց մի՛ թողեք այս բացառիկ հնարավորությունը, որի միջոցով դուք կարող եք դառնալ տվյալների վերլուծության և վիզուալացման առաջատար մասնագետ։