«Ամբերդ» մատենաշարի 48-րդ համարն առցանց է
«Պարենային անվտանգության գնահատում և մոդելավորում կարճաժամկետ և երկարաժամկետ հատվածներում» հետազոտությունը «Ամբերդ» մատենաշարի 48-րդ թողարկումն է և հասանելի է ՀՊՏՀ պաշտոնական կայքում:
Ներկայացվող հետազոտության հեղինակներն են Կարինե Հարությունյանը (հետազոտական խմբի ղեկավար), Լիլիթ Հակոբյանը, Էմմա Մովսիսյանը, Մարիանա Խչեյանը, Մհեր Շահինյանը, Աստղիկ Խաչատրյանը (հետազոտական խմբի անդամներ):
Հետազոտությունը նվիրված է ՀՀ պարենային անվտանգության իրավիճակի գնահատմանը, մեթոդաբանության ու կառուցակարգերի թույլ կողմերի բացահայտմանը և բարելավման գործնական առաջարկությունների մշակմանը: Հետազոտությունն ամփոփում է պարենային անվտանգության քաղաքականության ողջ շրջանակը՝ ոլորտային ռազմավարություններից մինչև հիմնական դերակատարներ, իրականացվող հետազոտություններ, միջազգային պրակտիկայում կիրառվող գնահատման մեթոդներ և մոտեցումներ:
Հեղինակներն ուսումնասիրել և վերլուծել են պարենային ապրանքների շուկաները և առանձին ոլորտներում ներմուծման փոխարինման հնարավորությունները, կատարել են միջազգային համադրումներ, դիտարկել են Հայաստանում կիրառվող պարենային անվտանգության գնահատման մեթոդները, բացահայտել և լուծել են մի շարք մեթոդաբանական խնդիրներ:
Հետազոտության էլեկտրոնային տարբերակը հասանելի է այստեղ: