ՀՊՏՀ աշխատակիցները մասնակցել են սեմինարի
Twinning ծրագրի շրջանակներում «Հայաստանի բարձրագույն կրթության զարգացում՝ Եվրոպական բարձրագույն կրթական տարածքին ինտեգրվելու նպատակով» թեմայով ս.թ. փետրվարի 23-ից 25-ը ԵՊՀ-ի Եվրոպական ուսումնասիրությունների կենտրոնի Ռ. Շումանի անվան դահլիճում տեղի է ունեցել սեմինար, որին ներկա են գտնվել ՀՊՏՀ «Ամբերդ» հետազոտական կենտրոնի «Ազգային մրցունակության և միջազգայնացման հետազոտություններ» ծրագրի տնօրեն Արմեն Գրիգորյանը, ՀՊՏՀ արտաքին կապերի բաժնի գլխավոր մասնագետ Անժելիկա Մուսայելյանը և ուսումնամեթոդական աշխատանքների և աշխատաշուկայի հետ համագործակցության բաժնի գլխավոր մասնագետ Մերի Դալլաքյանը: Դասընթացները վարել են ԵՄ-ից ժամանած միջազգային փորձագետներ՝ Գերմանիայի Զիգենի համալսարանի պրոֆեսոր Ռաֆայելա Ավերկորնը և Ֆինլանդիայի միջազգային շարժունության կենտրոնի տնօրեն Յուհա Կետոլայնեն: Սեմինարի ընթացքում քննարկվել են տարաբնույթ հարցեր, մասնավորապես՝ բուհերի միջազգայնացման, ուսանողների շարժունության, համալսարանների միջև համագործակցության, ուսումնական ծրագրերի մշակման վերաբերյալ: Մանրակրկիտ ներկայացվել են Ֆինլանդիայում, Գերմանիայում և ԵՄ-ի այլ երկրներում բուհերի միջազգայնացման համար իրականացվող քայլերը: Այս մասին հայտնում են արտաքին կապերի բաժնից:
ՀՊՏՀ Լրատվության և հասարակայնության հետ կապերի բաժին