«Սևակյան սերը» խորագրով գրական հուշ-ցերեկույթ ՀՊՏՀ-ում
ՀՊՏՀ սևակասեր հասարակությունն այսօր հավաքվել էր համալսարանի հանդիսությունների դահլիճում՝ ներկա գտնվելու ուսանողական խորհրդի նախաձեռնած «Սևակյան սերը» խորագրով գրական հուշ-ցերեկույթին:
Ուսանողները ներկայացրեցին մի ամբողջ բեմադրություն՝ համեմված Պարույր Սևակի կենսագրության կարևոր դրվագներով՝ մասնավորապես նրա անձնական կյանքին վերաբերող տեղեկություններով, նրա բանաստեղծություններով, կենսագրության առանցքային հատվածների մասին պատմություններով: Մեղմ երաժշտության ներքո շնորհաշատ ուսանողները ներկայացրեցին Պարույր Սևակի բանաստեղծությունները, հատվածներ «Անլռելի զանգակատունը» պոեմից: Եղան նաև պարային ելույթներ:
Հուշ-ցերեկույթին ներկա էին ՀՊՏՀ ուսանողները, կոլեկտիվը՝ ռեկտոր Կորյուն Աթոյանի գլխավորությամբ:
ՀՊՏՀ Լրատվության և հասարակայնության հետ կապերի բաժին