Հրավեր ՀՊՏՀ ուսանողներին
ՀՊՏՀ արտաքին կապերի բաժինից հայտնում են, որ Բելգորոդի պետական համալսարանը ՀՊՏՀ ուսանողներին հրավիրում է մասնակցելու «Պեգաս-2014» երիտասարդական միջազգային դպրոցի աշխատանքներին, որը տեղի կունենա ս.թ. հուլիսի 1-6-ն ընկած ժամանակահատվածում:
«Պեգաս-2014»-ի դպրոցի ծրագիրը ներառում է գիտակրթական միջոցառումներ, կլոր սեղաններ, ցուցահանդեսներ, մրցույթներ, պետական պաշտոնյաների, խոշոր ձեռնարկությունների ղեկավարների հետ հանդիպումներ:
Ծրագրին մասնակցության հայտ ներկայացնող ուսանողները պետք է նախագծեր պատրաստեն հետևյալ ուղղություններով՝
- կազմակերպական (ուղղված բուհական ենթակառուցվածքի զարգացմանը),
- սոցիալական (ուղղված ուսանողների հասարակական գործունեության աշխուժացմանը),
- տեխնոլոգիական (ուղղված ուսանողների գիտա-գործնական գործունեության աշխուժացմանը, գիտական գաղափարների և մշակումների առևտրայնացմանը):
Դպրոցի աշխատանքները կազմակերպվելու են Նեժեգոլ գետի ափին տեղակայված վրանային քաղաքում: Լավագույն նախագծեր ներկայացրած ուսանողների կեցության և սննդի ծախսերը հոգալու է ընդունող կողմը:
Դպրոցի ծրագրին մասնակցելու համար անհրաժեշտ է պատրաստել նախագծեր և մինչև ս.թ. հունիսի 12-ը դրանք ուղարկել ՀՊՏՀ արտաքին կապերի բաժնի էլ. փոստին՝ int@asue.am :
Հայտարարությունը տրամադրել է ՀՊՏՀ արտաքին կապերի բաժինը: