Երիտասարդական համաժողով

2014թ. նոյեմբերի 7-ին Օկայամայում (Ճապոնիա) տեղի կունենա ՅՈՒՆԵՍԿՕ-ի «Կրթություն հանուն կայուն զարգացման» երիտասարդական համաժողովը:  Համաժողովը կազմակերպվում է Աիչի-Նագոյայում կայանալիք «Կրթություն հանուն կայուն զարգացման» համաշխարհային համաժողովի շրջանակներում: 
Երիտասարդական համաժողովի նպատակն է` հնարավորություն տալ երիտասարդներին գաղափարների ու փորձի փոխանակում իրականացնել «Կրթություն հանուն կայուն զարգացման» թեմայի շուրջ, ինչպես նաև քննարկել համաշխարհային մակարդակով կայուն զարգացմանը նպաստող կրթության հետագա խթանման ուղիները: 
Համաժողովին կմասնակցեն վերոնշյալ ոլորտում ակտիվորեն ներգրավված 18-35 տարեկան 50 երիտասարդներ ամբողջ աշխարհից:
Համաժողովին մասնակցելու համար դիմորդներից պահանջվում է երաշխավորման նամակ «Կրթություն հանուն կայուն զարգացման» ոլորտին առնչվող կրթական/երիտասարդական ուղղվածության կազմակերպության կամ հաստատության ղեկավարի կամ աշխատակցի կողմից, որը կհաստատի դիմորդի ներգրավվածությունը և ձեռնհասությունը նշված ոլորտում: Նամակը պետք է լինի անգլերենով, ոչ ավելին, քան 1 էջի սահմաններում և պարունակի երաշխավորողի կոնտակտային տվյալները: Մասնակցության հայտերը և անհրաժեշտ այլ փաստաթղթերը պետք է ուղարկել հետևյալ էլեկտրոնային հասցեով` esd2014@goipeace.or.jp մինչև ս. թ. հունիսի 1-ը: Հայտադիմումի ձևը հասանելի է http://www.unesco.org/new/en/youthconference կայքէջում:  
Մասնակցության հետ կապված բոլոր ծախսերը հոգում են համաժողովի կազմակերպիչները:

Տեղեկատվությունը՝ ՀՀ Կրթության և գիտության նախարարության պաշտոնական կայքից` http://www.edu.am/index.php?topMenu=9&menu1=-1&menu2=9&id=6725&lang=arm: