Գիտաժողովի հրավեր Արցախից

Արցախի պետական համալսարանը 2017թ. մայիսի 5-ին հրավիրում է մասնակցելու Շուշիի ազատագրման 25-րդ տարեդարձին նվիրված ուսանողական գիտաժողովին, որն անց է կացվելու հետևյալ գիտական ուղղություններով.

Ֆիզիկա-մաթեմատիկական և բնական գիտություններ`

            ● Մաթեմատիկա

            ● Տեղեկատվական տեխնոլոգիաներ

            ● Ֆիզիկատեխնիկական գիտություններ

            ● Կենսաբանություն և քիմիա

            ● Աշխարհագրություն

            Սոցիո-հումանիտար գիտություններ`

            ● Փիլիսոփայություն

            ● Քաղաքագիտություն

            ● Պատմություն

            ● Իրավագիտություն

            ● Տնտեսագիտություն

            ● Գրականություն

            ● Լեզվաբանություն

            ● Հոգեբանություն

            ● Մանկավարժություն

            ● Մշակութաբանություն

            ● Սպորտ և ֆիզիկական կուլտուրա

            Կից՝ գիտաժողովի տեղեկատվական թերթիկը և հոդվածների ներկայացման կարգը:

Հոդվածներին ներկայացվող չափորոշիչները

1.Հոդվածները կարող են ներկայացվել  հայերեն, ռուսերեն, անգլերեն լեզուներով:

2.Հոդվածի համակարգչային շարվածքը պետք է լինի Word միջավայրում (Word 2003-2007)՝ .doc ընդլայնումով: Տեքստի տառատեսակը` հայերենի դեպքում՝ Sylfaen, ռուսերենի և անգլերենի դեպքում՝ Times New Roman:

Առաջին տողում գլխատառերով ներկայացնել հոդվածի վերնագիրը ` թավ (Bold), շեղ, հավասերցումը կենտրոնից, 11 pt տառաչափով: Հաջորդ տողում՝ կենտրոնից, պետք է ներկայացնել հեղինակ(ներ)ի անուն, ազգանուն(ներ)ը՝ 11 pt տառաչափով, թավ (Bold), ուսումնական հաստատության անվանումը, հաջորդ տողում բանալի բառերը: Մեկ տող բաց թողնելով՝ ներկայացնել հոդվածի հիմնական տեքստը ՝ տառաչափը ՝ 11 pt, տառերը՝ ուղիղ, միջտողային հեռավորությունը՝ 1.15, լուսանցքները՝ 20 մմ, պարբերությունները սկսել TAB-ի կիրառմամբ: Հոդվածի վերջում ներկայացվում է օգտագործված գրականության ցանկը և հայերեն, ռուսերեն, անգլերեն լեզուներով ամփոփագրերը:

Ծանոթագրությունները և հղումները տալ տողատակում`շարունակական համարակալմամբ:

3.Ծավալը՝ A4 ֆորմատի 4 ամբողջական էջից մինչև 8 էջ:

Գիտաժողովին մասնակցության կարգը

Գիտաժողովն անց է կացվում առկա կամ հեռակա կերպով: Կարող են մասնակցել բակալավրիատի, մագիստրատուրայի ուսանողները և ասպիրանտները: Մասնակցության համար անհրաժեշտ է մինչև 2017թ.  ապրիլի 20-ը դիմում-հայտը ուղարկել vm.avanesyan@yahoo.com  կամ  aramtadevosyan23@gmail.com  էլեկտրոնային փոստին: Դիմում-հայտի ձևը ներկայացված է աղյուսակ 2-ում:Գիտաժողովի աշխատանքային լեզուներն են` հայերեն, ռուսերեն, անգլերեն:

Գիտաժողովի խմբագրական խորհրդի փորձաքննությունն անցած աշխատանքները կտպագրվեն առանձին ժողովածուով:

Գիտաժողովի անցկացման վայրն է՝ ԼՂՀ, ք. Ստեփանակերտ, Մխիթար Գոշի 5, Արցախի պետական համալսարան:

Լրացուցիչ տեղեկությունների համար զանգահարել (+37497) 24 11 46 (ԱրՊՀ գիտական և միջազգային համագործակցության գծով պրոռեկտոր Ավանեսյան Վ. Մ), (+37497) 22 20 95 (ԱրՊՀ Ուսանողական գիտական ընկերության նախագահ Թադևոսյան Ա. Վ.):

Աղյուսակ 2.

Հայտարարությունը ստացվել է Արցախի պետական համալսարանից: