«Progress». միջբուհական աշխատաժողովի հրավեր
ՀՊՏՀ ուսանողական խորհուրդը Հայաստանի երիտասարդական հիմնադրամի հետ համատեղ կազմակերպում է «Progress» խորագրով միջբուհական ուսանողական աշխատաժողով, որը տեղի է ունենալու նոյեմբերի 26-27-ը՝ ՀՊՏՀ միջազգային ծրագրերի իրականացման կենտրոնում: Աշխատաժողովի ընթացքում բանախոսություններով հանդես են գալու տարբեր ոլորտների փորձառու մասնագետներ, լինելու են ինտերակտիվ խաղեր և քննարկումներ, որոնք մասնակիցներին փոխանցելու են ինչպես տեսական գիտելիքներ, այնպես էլ գործնական հմտություններ:
Աշխատաժողովին կարող են մասնակցել ՀՀ պետական և ոչ պետական բուհերի առկա և հեռակա համակարգի բոլոր ուսանողները: Մասնակցելու համար մինչ նոյեմբերի 17-ը ներառյալ անհրաժեշտ է լրացնել մասակցության հայտը՝ հետևյալ հղումով՝ https://goo.gl/gTdeHK : Մասնակիցների ընտրությունը տեղի է ունենալու երկու փուլով. մոտիվացիոն նամակով առաջին փուլը հաղթահարած ուսանողները մասնակցելու են հարցազրույցին:
Տեղեկատվությունը՝ ՀՊՏՀ ուսանողական խորհրդից: