ՌԴ ԱԳՆ դիվանագիտական ակադեմիան հրավիրում է սովորելու

ՀՀ կրթության և գիտության նախարարության պաշտոնական կայքը տեղեկացնում է, որ Ռուսաստանի Դաշնության արտաքին գործերի նախարարության Դիվանագիտական ակադեմիան հայտարարել է 2016/2017 ուսումնական տարվա ունկնդիրների ընդունելություն:
Հայաստանի Հանրապետությանը տրամադրված քվոտաների շրջանակներում ակադեմիան իրականացնում է.
բակալավրիատ՝ (որպես երկրորդ բարձրագույն կրթություն) «միջազգային հարաբերություններ» և «համաշխարհային տնտեսագիտություն» ուղղություններով;
մագիստրատուրա՝ հետևյալ մասնագիտություններով` «միջազգային հարաբերություններ», «տնտեսագիտություն», «իրավագիտություն» և «մենեջմենթ»;
ասպիրանտուրա՝ «միջազգային հարաբերությունների պատմություն», «համաշխարհային տնտեսագիտություն», «միջազգային իրավունք»,  «քաղաքական ինստիտուտներ, գործընթացներ և տեխնոլոգիաներ», ինչպես նաև  «միջազգային հարաբերությունների՝ գլոբալ և տարածաշրջանային զարգացման հիմնախնդիրներ» ուղղություններով:
Ընդունելության վերաբերյալ առավել մանրամասն տեղեկատվություն ստանալու համար կարող եք այցելելwww.dipacademy.ru կայքէջը:
Դիվանագիտական ակադեմիա ընդունվել ցանկացողները կարող են մինչև սույն թվականի հունիսի 1-ը իրենց դիմումները ներկայացնել ՀՀ ԱԳՆ: