ՀՊՏՀ-ն աշխատանքի է հրավիրում ասպիրանտուրայի բաժնի առաջատար մասնագետի
Հայաստանի պետական տնտեսագիտական համալսարանն աշխատանքի է հրավիրում ասպիրանտուրայի բաժնի առաջատար մասնագետի։ Համալսարանի մարդկային ռեսուրսների կառավարման բաժնից ստացված հայտարարությունն ամբողջությամբ՝ ստորև։
ԱՇԽԱՏԱՆՔԻ ՎԱՅՐ`
Հայաստանի պետական տնտեսագիտական համալսարան, ք. Երևան, Նալբանդյան 128
ՍՏՈՐԱԲԱԺԱՆՈՒՄ`
Ասպիրանտուրայի բաժին
ՊԱՇՏՈՆ`
Առաջատար մասնագետ
ԱՇԽԱՏԱՆՔԻ ՆԿԱՐԱԳՐՈւԹՅՈւՆ`
- կատարել բաժնի պետի հանձնարարությունները` ժամանակին և պատշաճ որակով,
- տիրապետել իր գործառույթների իրականացման համար անհրաժեշտ իրավական ակտերին, կրթության ոլորտը կարգավորող օրենքներին, համալսարանի կանոնադրության և իր լիազորությունների հետ կապված այլ իրավական ակտերին,
- իրականացնել ասպիրանտների և հայցորդների միջազգային շարժունակությանը նպաստող՝ արտասահմանյան բուհերի և միջազգային ծրագրերի ու կառույցների հետ համագործակցության համար անհրաժեշտ փաստաթղթերի կազմում և հաղորդակցության կազմակերպում, ասպիրանտական և հայցորդական ծրագրերի միջազգային փորձի ուսումնասիրություն և տեղայնացման առաջարկությունների ներկայացում բաժնի պետին,
- վարել բաժնի ֆեյսբուքյան էջը և խմբերը, ներբեռնել համապատասխան տեղեկատվությունը,
- կազմել ասպիրանտներին ու հայցորդներին դասավանդվող դասընթացների կազմակերպման և անցկացման վերաբերյալ հետադարձ կապի հարցումների ձևաթղթերը, վերլուծել դրանցում առկա տեղեկատվությունը և ամփոփել արդյունքները,
- ապահովել ասպիրանտների հետ նամակագրական կապ՝ անհրաժեշտ տեղեկատվության փոխանցման նպատակով,
- իրականացնել համալսարանի կանոնադրությամբ, բաժնի կանոնադրությամբ, ռեկտորի հրամաններով և այլ իրավական ակտերով նախատեսված այլ գործառույթներ:
ՊԱՇՏՈՆԻ ՀԱՎԱԿՆՈՐԴԻՆ ՆԵՐԿԱՅԱՑՎՈՂ ՆՎԱԶԱԳՈւՅՆ ՊԱՀԱՆՋՆԵՐ`
- բարձրագույն կրթություն,
- առնվազն մեկ տարվա մասնագիտական աշխատանքային փորձ՝ գիտության և/կամ կրթության ոլորտում,
- օրենսդրության և իրավական ակտերի՝ իր լիազորությունների իրականացման հետ կապված անհրաժեշտ գիտելիքներ,
- համակարգչային տեխնիկայի օգտագործման համար անհրաժեշտ գիտելիքներ,
- հայերենի, ռուսաց լեզվի և անգլերենի գերազանց իմացություն,
- տրամաբանելու, տարբեր իրավիճակներում կողմնորոշվելու ունակություն, պատրաստակամություն, թիմում աշխատելու ունակություն,
- իր գործառույթների իրականացման համար անհրաժեշտ գիտելիքներ:
| ԴԻՄՈՒՄՆԵՐԻ ԸՆԴՈՒՆՄԱՆ ՍԿԻԶԲ՝ 25 հունվարի 2022 թ. |
| ԴԻՄՈՒՄՆԵՐԻ ԸՆԴՈՒՆՄԱՆ ՎԵՐՋՆԱԺԱՄԿԵՏ՝ 05 փետրվարի 2022 թ. |
CV-ն կարող եք ուղարկել ՀՊՏՀ մարդկային ռեսուրսների կառավարման բաժնի hr@asue.am էլփոստին՝ վերնագրի դաշտում նշելով հաստիքը, որի համար դիմում եք։ Փաստաթղթերն ընդունվում են բացառապես էլեկտրոնային եղանակով։
Հարցազրույցի կհրավիրվեն CV-ի ուսումնասիրության արդյունքում ընտրված թեկնածուները։
Հայաստանի պետական տնտեսագիտական համալսարանի գործունեության վերաբերյալ մանրամասն տեղեկատվությունը հասանելի է բուհի պաշտոնական կայքում՝ հետևյալ հղմամբ. https://asue.am/: