Կարիերայի խորհրդատվության առցանց միջոցառում` ՐԻՖԱՅՆ-ի շրջանակներում
Եվրոպական միության ՐԻՖԱՅՆ նախագծի շրջանակներում մայիսի 22-ին, ժամը 18:30-ին տեղի կունենա կարիերայի խորհրդատվության միջոցառում՝ «Ինչպե՞ս կառուցել հաջողակ կարիերա ՀՀ ֆինանսական ոլորտում» խորագրով: Միջոցառմանը որպես խոսնակներ կմասնակցեն ՀՀ ֆինանսական կառույցների մի շարք առաջատար HR մասնագետներ, ովքեր կօգնեն ուսանողներին բացահայտել՝
- այն որակներն ու հմտությունները, որոնք պետք է ունենալ կարիերայում հաջողության հասնելու համար,
- ինքնակրթության ու կամավորության դերը՝ կարիերայի կառուցման ճանապարհին,
- ռազմավարություններ, որոնք հնարավորություն կտան դիրքավորվել և աչքի ընկնել բարձր մրցակցային աշխատաշուկայում:
Խոսնակներին առաջիկայում կներկայացնենք ՀՊՏՀ ֆեյսբուքյան էջում:
Միջոցառումը կանցկացվի առցանց` ZOOM ծրագրի միջոցով: Մասնակցելու համար անհրաժեշտ է նախապես գրանցվել այստեղ:
Հիշեցնենք, որ ՐԻՖԱՅՆ-ը («Ֆինանսների մագիստրոսական ծրագրերի բարեփոխում Հայաստանում և Մոլդովայում») ՀՊՏՀ-ում համակարգում է արտաքին կապերի դեպարտամենտի միջազգային կապերի բաժինը: Նախագծի մասին ավելին՝ համալսարանի պաշտոնական կայքի «Միջազգային ծրագրեր» բաժնում:
Տեղեկատվությունը` ՀՊՏՀ միջազգային կապերի բաժնից: