ՀՊՏՀ-ն հայտարարում է ամբիոնի վարիչի թափուր տեղերի մրցույթ
ՀՊՏՀ մարդկային ռեսուրսների կառավարման բաժնից հայտնում են՝ Հայաստանի պետական տնտեսագիտական համալսարանը հայտարարում է մրցույթ հետևյալ թափուր տեղերի համար՝
Ամբիոնի վարիչ
- Բնօգտագործման տնտեսագիտության ամբիոն
- Լեզուների ամբիոն
- Մարքեթինգի ամբիոն
- Ֆիզդաստիարակության, արտակարգ իրավիճակների և քաղպաշտպանության ամբիոն
Ամբիոնի վարիչի թափուր պաշտոնի մրցույթին կարող են մասնակցել ամբիոնի մասնագիտական ուղղվածությանը համապատասխան գիտությունների դոկտորի կամ թեկնածուի գիտական աստիճան, պրոֆեսորի կամ դոցենտի գիտական կոչում ունեցող անձինք:
Դիմումներն ընդունվում են 2019թվականի դեկտեմբերի 09-ից մինչև 2020թվականի հունվարի 16-ը ներառյալ: Դիմումներն ու անհրաժեշտ փաստաթղթերը ներկայացվում են համալսարանի մարդկային ռեսուրսների կառավարման բաժին՝ ք. Երևան, Նալբանդյան 128, ՀՊՏՀ Կենտրոնական մասնաշենք, 3-րդ հարկ:
Ամբիոնի վարիչի պաշտոնի հավակնորդները հայտարարության մեջ նշված ժամկետում մարդկային ռեսուրսների կառավարման բաժին են ներկայացնում՝
- դիմում ռեկտորին,
- քաղվածք աշխատանքային գրքույկից,
- ինքնակենսագրություն,
- կադրերի հաշվառման սահմանված կարգով լրացված թերթիկը՝ լուսանկարով,
- գիտական (որակավորման) աստիճանը և գիտական կոչումը հաստատող փաստաթղթերի պատճեները,
- տպագրված (հրատարակված) գիտական և մեթոդական աշխատանքների ցուցակ,
- տվյալներ պարգևատրումների, մրցանակների և պատվավոր կոչումների վերաբերյալ,
- ամբիոնի գործունեության առաջիկա հնգամյակի ծրագիր:
Հայտարարությունը տպագրվել է նաև «Հայաստանի Հանրապետություն» օրաթերթի 06.12.2019թ. թիվ 212 (7196) համարում: