ՀՊՏՀ արտաքին կապերի դեպարտամենտը հայտարարում է թափուր հաստիքների մասին

ՀՊՏՀ արտաքին կապերի դեպարտամենտի երկու՝ միջազգային կապերի և շարունակական կրթության բաժիններում պահանջվում են աշխատակիցներ։ Բոլոր հետաքրքրվող և ստորև ներկայացված պահանջներին համապատասխանող թեկնածուները պետք է իրենց ինքնակենսագրականը (հայերեն կամ անգլերեն) և մոտիվացիոն նամակը ուղարկեն externalaffairs@asue.am էլհասցեին՝ մինչև հոկտեմբերի 30-ը:

Արտաքին կապերի դեպարտամենտ՝ միջազգային կապերի բաժին
Առաջատար մասնագետ (համակարգող)

Գործառույթներ

• իրականացնել միջազգային դրամաշնորհային ծրագրերի և ԵՄ-ի կողմից ֆինանսավորվող «Էրազմուս+» ՀԳ1 ծրագրային հայտերի պատրաստումը և հայտադիմումների ներկայացումը,
• իրականացնել օտարերկրյա պետություններում և Հայաստանի Հանրապետությունում գործող բուհերի հետ կապերի հաստատումը, զարգացումը և պահպանումը,
• իրականացնել գործընկերների հետ նամակագրությունը և հաղորդակցությունը,
• իրականացնել ընթացիկ փոխանակային ծրագրերի վերաբերյալ ուսանողների, դասախոսների և վարչական աշխատակիցների համար տեղեկատվական հանդիպումների կազմակերպումը և իրազեկման բարձրացումը,
• կազմակերպել համալսարանի փոխանակման ծրագրերի իրականացման գործընթացը, ներառյալ՝ ֆինանսավորված ծրագրերի վերաբերյալ ՀՊՏՀ պաշտոնական կայքում հրապարակվող տեղեկատվության մշակումը, դիմորդ ուսանողների, դասախոսների և վարչական աշխատակիցների հայտերի և փաստաթղթերի ընդունումը և վերջիններիս ընտրության գործընթացի կազմակերպումը,
• աջակցել գործընկեր բուհերից փոխանակային ծրագրերով ՀՊՏՀ ժամանող ուսանողներին և պրոֆեսորադասախոսական անձնակազմի ներկայացուցիչներին ՀՊՏՀ-ում գտնվելու ընթացքում, ներառյալ՝ դասապրոցեսի կազմակերպումը, անձնական գործերի վարումը, անհրաժեշտության դեպքում՝ կեցության կարգավիճակի և այլ հարցերին առնչվող խնդիրների կարգավորումը,
• մասնակցել օտարերկրյա դիմորդների հավաքագրման գործընթացին,
• մասնակցել բուհի վարկանշավորման համար անհրաժեշտ տեղեկատվության հավաքագրման գործընթացին,
• իրականացնել միջազգային միջոցառումների կազմակերպումը,
• իրականացնել համալսարանի կանոնադրությամբ, բաժնի կանոնադրությամբ, ռեկտորի հրամաններով և այլ իրավական ակտերով նախատեսված այլ գործառույթներ։

Պաշտոնին ներկայացվող պահանջներ

• բարձրագույն կրթություն,
• առնվազն 1 տարվա մասնագիտական աշխատանքային փորձ,
• օրենսդրության և իրավական ակտերի՝ իր լիազորությունների իրականացման հետ կապված անհրաժեշտ գիտելիքներ,
• համակարգչային ծրագրերի` Microsoft Office-ի (Word/Excel/Powerpoint) գերազանց իմացություն,
• հայերենի, անգլերենի, ռուսերենի գերազանց իմացություն,
• տրամաբանելու, բանակցելու, տարբեր իրավիճակներում կողմնորոշվելու ունակություն,
• թիմում աշխատելու հմտություն և կազմակերպվածություն:

Արտաքին կապերի դեպարտամենտ՝ շարունակական կրթության բաժին
Առաջին կարգի մասնագետ

Գործառույթներ

• մասնակցել ՀՊՏՀ անձնակազմի վերապատրաստման դասընթացների կազմակերպմանը,
• մասնակցել կարճաժամկետ վճարովի դասընթացների կազմակերպմանը,
• մասնակցել դասընթացների և վերապատրաստումների արդյունավետության գնահատման գործընթացին,
• ապահովել դասընթացների և վերապատրաստումների վերաբերյալ տեղեկատվության տարածումը,
• մասնակցել ընդունելության գործընթացին ընդառաջ դպրոցների հետ տարվող աշխատանքի կազմակերպմանը, այդ թվում՝ ՀՊՏՀ-ում ամառային դպրոցների, մրցույթների, «Բաց դռներ» ճանաչողական և այլ միջոցառումների կազմակերպմանը,
• վարել սոցիալական ցանցերում բաժնի պաշտոնական էջերը,
• ներգրավվել ընդունող հանձնաժողովի աշխատանքներին,
• իրականացնել համալսարանի կանոնադրությամբ, բաժնի կանոնադրությամբ, ռեկտորի հրամաններով և այլ իրավական ակտերով նախատեսված այլ գործառույթներ։

Պաշտոնին ներկայացվող պահանջներ

• բարձրագույն կրթություն,
• առնվազն 6 ամսվա աշխատանքային փորձ,
• համակարգչային ծրագրերի` Microsoft Office-ի (Word/Excel) գերազանց իմացություն, Illustrator-ի կամ Photoshop-ի իմացությունը ցանկալի է,
• հայերենի գերազանց իմացություն, անգլերենի և ռուսերենի լավ իմացություն,
• տրամաբանելու, բանակցելու, տարբեր իրավիճակներում կողմնորոշվելու ունակություն,
• թիմում աշխատելու հմտություն և կազմակերպվածություն: