Անվճար դասընթաց էկոզբոսաշրջության ոլորտով հետաքրքրվողների համար
Էկոտուրիզմի հայկական ասոցիացիան և ՀՊՏՀ-ն համատեղ կազմակերպում են էկոզբոսաշրջության վերաբերյալ դասընթաց։
Դասընթացը նախատեսված է այն անձանց համար, որոնք զբաղվում են էկոզբոսաշրջությամբ, ինչպես նաև զբոսաշրջության ոլորտում ներգրավված այն անձանց համար, որոնք ցանկանում են զբաղվել էկոզբոսաշրջությամբ և ունեն ոլորտի վերաբերյալ անհրաժեշտ գիտելիքների և հմտությունների կարիք։
Դասընթացի հիմնական թեմաներն են.
- Զբոսաշրջությունը որպես համակարգ,
- Կայուն զբոսաշրջություն և էկոզբոսաշրջություն,
- Էկոզբոսաշրջությունը որպես բիզնես,
- Գյուղական զբոսաշրջության կացարանին ներկայացվող որակի միջազգային նվազագույն ստանդարտները,
- Էկոզբոսաշրջության գործելակերպի կիրառում,
- Կայուն զբոսաշրջության սերտիֆիկացման կարևորությունը,
- Զբոսաշրջության ոլորտում հետազոտությունների իրականացման կարևորությունը,
- Էկոզբոսաշրջության զարգացման հիմնախնդիրները Հայաստանում (քննարկում)։
Դասընթացը կվարեն՝
- Էկոտուրիզմի հայկական ասոցիացիայի նախագահ Ժաննա Գալյանը, ով նաև «Էկոտուրիզմը բնության հատուկ պահպանվող տարածքներում» պլանավորման և կառավարման ձեռնարկի հեղինակն է,
- ՀՊՏՀ «Ամբերդ» հետազոտական կենտրոնի ավագ հետազոտող, տ․գ․թ․, դոցենտ Գայանե Թովմասյանը։
Դասընթացը տեղի կունենա սույն թվականի սեպտեմբերի 12-ին և 13-ին, ժամը՝ 18։30-20։00։
Դասընթացի անցկացման վայրը՝ Հայաստանի պետական տնտեսագիտական համալսարան, գլխավոր մասնաշենք, թիվ 315 լսարան։
Հասցե՝ ք. Երևան, Նալբանդյան 128
Դասընթացին մասնակցությունն անվճար է։
Ավարտին մասնակիցներին կտրվի մասնակցության վկայական։
Մասնակցության համար անհրաժեշտ է մինչև սեպտեմբերի 10-ը գրանցվել հետևյալ հղմամբ: