Բրյուսել մեկնելու և CEER դասընթացին մասնակցելու բացառիկ հնարավորություն ՀՊՏՀ ուսանողների համար
Սիրելի´ ուսանողներ,
Սույն թվականի հոկտեմբերի 25-29-ը կազմակերպվելու է Autumn Digital EU4Energy Week for EaP Universities դասընթացը, որին մասնակցելու համար անհրաժեշտ է ունենալ բազային գիտելիքներ էներգետիկայի ոլորտում և անգլերենի գերազանց իմացություն։
Հեռավար ձևաչափով անցկացվող դասընթացն ունենալու է հետևյալ խորագրերը․
- Էներգետիկայի կարգավորման հիմունքները
- Էլեկտրաէներգետիկ շուկաները
- Էներգետիկ համակարգի պլանավորումը և մոդելավորումը
- Էներգիայի տարանցման խնդիրները
- Ցանցային քաղաքականությունը և կարգավորումը
Հիշյալ դասընթացի ավարտին ուսանողները պետք է հանձնեն քննություն։ Լավագույն ուսանողները հնարավորություն կունենան անվճար մասնակցելու Բրյուսելում կայանալիք CEER դասընթացին։ Ծրագիրը հոգալու է դասընթացի մասնակիցների ճամփորդության և կեցության ծախսերը։
Կից ներկայացված է դասընթացի ժամանակացույցը։
Դասընթացին մասնակցելու համար անհրաժեշտ է գրանցվել հետևյալ հղմամբ:
Բաց մի´ թողեք Բրյուսել մեկնելու և CEER դասընթացին մասնակցելու բացառիկ հնարավորությունը։