Ի գիտություն ուսանողների․ ուսումնական գրաֆիկում փոփոխություններ են կատարվել

Սիրելի ուսանողներ, հեռավար և առկա դասերի նախապես հայտարարված գրաֆիկում կատարվել է փոփոխություն։ Սույն թվականի հոկտեմբերի 12-16-ի շաբաթը ՀՊՏՀ առկա բակալավրիատի 1-ին և 2-րդ կուրսերի դասերը չեն կազմակերպվի առկա ձևով, այլ կշարունակվեն հեռավար եղանակով, իսկ 3-րդ և 4-րդ կուրսերի դասերը հակառակը՝ հեռավարի փոխարեն կկազմակերպվեն առկա եղանակով։ Հոկտեմբերի 12-16-ը ՀՊՏՀ շարունակում են գալ առկա բակալավրիատի 3-րդ և 4-րդ կուրսերի ուսանողները։ Մյուս կրթաձևերում որևէ փոփոխություն չի եղել։