Մեկնարկում է Գրանթ Թորնթոն Ակադեմիայի 6-րդ խմբի ընդունելությունը
Հարգելի՛ ՀՊՏՀ-ականներ,
ուրախությամբ տեղեկացնում ենք, որ ՀՊՏՀ-ի և «Գրանթ Թորնթոն» ՓԲԸ-ի համագործակցության շրջանակում ՀՊՏՀ ուսանողները հնարավորություն ունեն ընդգրկվելու Գրանթ Թորնթոն Ակադեմիայի 6-րդ խմբում, որը կազմակերպվում է բացառապես ՀՊՏՀ-ականների համար։
Շարունակելով բացահայտել և ներգրավել նոր տաղանդների՝ ընկերությունը կրկին սկսում է իր Ակադեմիայի ընդունելությունը, որի ընթացքում փորձառու մասնագետները մասնակիցներին են փոխանցում իրենց գիտելիքն ու փորձը՝ նպաստելով վերջիններիս մասնագիտական աճին և աուդիտի ոլորտում հմտությունների զարգացմանը։
Մասնակիցների ընտրության ընթացքը ներառում է հարցազրույցների շարք և թեստավորում:
Բոլոր մասնակիցները պետք է համապատասխանեն ստորև ներկայացվող չափորոշիչներին՝
- լինեն առնվազն 3-րդ կուրսի ուսանող,
- ՄՈԳ-ը պետք է լինի 12-ից ոչ պակաս,
- դրական արդյունք ապահովեն նախնական թեստավորման ժամանակ,
- վարժ տիրապետեն անգլերենին:
Ծրագրի մանրամասների ներկայացումը և նախնական թեստավորումը տեղի կունենա նոյեմբերի 28-ին՝ ՀՊՏՀ գլխավոր մասնաշենքի թիվ 315 լսարանում, ժամը 14։00-ին։
Ծրագրի օրակարգը՝ այստեղ։
Ծրագրին դիմելու համար անհրաժեշտ է անցնել հետևյալ հղումով և լրացնել հայտը՝ այստեղ։