Միջազգային գիտաժողովի մասնակցության հրավեր

ՀՊՏՀ գործընկեր Զագրեբի համալսարանի (Խորվաթիա) տնտեսագիտության և բիզնեսի ֆակուլտետը հրավիրում է մասնակցելու «Կառուցելով կայուն ԵՄ հասարակություն ապագայի համար» Ժան Մոնե միջազգային գիտաժողովին, որն իրականացվում է EUsolis Jean Monnet թիմի կողմից։

Գիտաժողովի հիմնական թեմաներն են՝ սոլիդարություն, ներառականություն, կայունություն, երիտասարդություն, կրթություն և ԵՄ արժեքների առաջմղում, այն նպատակ ունի համախմբելու հետազոտողների, դասախոսների, փորձագետների և պրակտիկ մասնագետների, որոնք կներկայացնեն իրենց հետազոտությունները կրթության նորագույն մարտահրավերների, ԵՄ ինտեգրման, ESG խնդիրների և այլ թեմաների շուրջ։

Գիտաժողովի մանրամասները՝

• անցկացման ժամկետ՝ 2024 թվականի դեկտեմբերի 12-13
• վայրը՝ Եվրոպայի տուն, Զագրեբ, Խորվաթիա
• մասնակցություն՝ առցանց և տեղում մասնակցություն (հիբրիդային ձևաչափ)
• գիտաժողովի պաշտոնական լեզուներ՝ անգլերեն և խորվաթերեն

Մասնակիցները կարող են ներկայացնել ամփոփագիր կամ լրիվ հոդված՝

• լրիվ հոդվածի (խորվաթերեն) ներկայացման վերջնաժամկետ՝ 2024 թվականի սեպտեմբերի 15
• լրիվ հոդվածի (անգլերեն) ներկայացման վերջնաժամկետ՝ 2024 թվականի սեպտեմբերի 30
• ամփոփագրի (անգլերեն) ներկայացման վերջնաժամկետ՝ 2024 թվականի հոկտեմբերի 15

Գիտաժողովին մասնակցությունն անվճար է, ինչը չի վերաբերում ճամփորդության և կեցության ծախսերին։

Մանրամասներին կարող եք ծանոթանալ հետևյալ հղմամբ։