Ուսումնական պրակտիկա` «Տնտեսագիտության բարձրագույն դպրոցում»
Տնտեսագիտության բարձրագույն դպրոցը Մոսկվայում մեկնարկում է միջազգային ուսումնական պրակտիկայի ձմեռային փուլը։
Հայաստանի պետական տնտեսագիտական համալսարանի ուսանողները կարող են մասնակցել «Study Tour Experience» ուսումնական պրակտիկայի ծրագրին՝ առցանց ձևաչափով։
«Study Tour Experience»-ը եզակի նախագիծ է, որը նախատեսում է դասընթացներ՝ ուղղված տնտեսության, միջազգային հարաբերությունների, բիզնեսի և կառավարման, ֆինանսների և իրավունքի, մարքեթինգի և հաղորդակցության, հոգեբանության, սոցիոլոգիայի և քաղաքագիտության ոլորտներում գիտելիքների խորացմանը:
Հայաստանի պետական տնտեսագիտական համալսարանի ուսանողների համար մասնակցությունը անվճար է։
Ծրագիրն իրականացվելու է ռուսերենով և անգլերենով՝ 2021թ․փետրվարի 15-20-ը։ Դասընթացներն անցկացվելու են հետևյալ ուղղություններով՝
- Բիզնես և կառավարում
- Մարքեթինգ և հաղորդակցություն
- Ֆինանսներ և իրավունք
- Միջազգային տնտեսագիտություն և քաղաքականություն
- Ֆինանսներ և վիճակագրություն
- Սոցիալական և քաղաքական գիտություններ
- Ճանաչողական գիտություններ
- Պատմություն և մշակույթ
Ծրագրի ավարտից հետո տրվում է հավաստագիր։
Մասնակցության համար անհրաժեշտ է գրանցվել այստեղ, որից հետո՝ շարունակել գրանցումը ձեր էլ-հասցեին ստացված հղումով։ Հայտերն ընդունվում են մինչև 2021 թ․ փետրվարի 8-ը։
Հայտարարությունը տրամադրել է ՀՊՏՀ միջազգային կապերի բաժինը։