Միշկոլցի համալսարանում (Հունգարիա) մեկ կիսամյակ սովորելու հրավեր
Հայաստանի պետական տնտեսագիտական համալսարանի և Միշկոլցի համալսարանի (Հունգարիա) միջև «Էրազմուս+» ծրագրի շրջանակներում կնքված պայմանագրի համաձայն՝ Հայաստանի պետական տնտեսագիտական համալսարանի ուսանողներին հնարավորություն կտրվի 2019-2020 ուսումնական տարվա երկրորդ կիսամյակն անցկացնել վերոնշյալ բուհում: Ծրագրին կարող են դիմել այն ուսանողները, ովքեր`
- սովորում են ՀՊՏՀ առկա ուսուցման բակալավրիատի 2-րդ, 3-րդ կամ հեռակա ուսուցման բակալավրիատի 2-րդ, 3-րդ կամ 4-րդ կուրսերում,
- սովորում են ՀՊՏՀ առկա ուսուցման մագիստրատուրայի 1-ին կամ հեռակա ուսուցման մագիստրատուրայի 1-ին և 2-րդ կուրսերում (եթե շարժունության ծրագրի ժամանակահատվածում ՀՊՏՀ-ում պրակտիկա նախատեսված չէ),
- ունեն անգլերենի իմացության B2 և բարձր մակարդակ,
- ունեն բարձր առաջադիմություն,
- ունեն մեծ մոտիվացվածություն՝ ուսումնառության մեկ կիսամյակն անցկացնելու ՀՊՏՀ գործընկեր բուհում:
Ծրագրով հետաքրքրված ուսանողները պետք է մինչև նոյեմբերի 18-ը ներառյալ միջազգային կապերի բաժնի erasmus.asue@gmail.com էլ-փոստին ուղարկեն (խնդրում ենք չուղարկել asue.erasmus@gmail.com հասցեին)՝
- անձնագրի լուսապատճենը,
- ինքնակենսագրություն Europass CV ֆորմատով (անգլերեն),
- մոտիվացիոն նամակ (անգլերեն),
- անգլերենի իմացությունը հավաստող փաստաթուղթ (առկայության դեպքում): Այն ուսանողները, ովքեր հանձնել են միջազգային կապերի բաժնի կողմից կազմակերպված քննությունը ուղարկում են միջազգային կապերի բաժնից ուղարկված pdf ֆայլը, որտեղ նշված է ստացած գնահատականը,
- բակալավրիատի ուսանողները՝ նախորդ կիսամյակների ամփոփ ՄՈԳ-ի մասին տեղեկատվություն՝ հաստատված ֆակուլտետի դեկանի կողմից (հայերեն),
- մագիստրատուրայի ուսանողները՝ բակալավրիատի դիպլոմի միջուկի լուսապատճենը կամ վերջնական ՄՈԳ-ի մասին տեղեկատվություն՝ հաստատված ֆակուլտետի դեկանի կողմից:
Նամակի վերնագիր դաշտում անհրաժեշտ է նշել “University of Miskolc”: Դուք կհամոզվեք, որ հայտը միջազգային կապերի բաժինը ստացել է՝ պատասխան հաղորդագրություն ստանալով: Պատշաճ կերպով չլրացված, ինչպես նաև վերջնաժամկետի ավարտից հետո ուղարկված հայտերը չեն դիտարկվի: Ներկայացված փաստաթղթերի ուսումնասիրությունից հետո լավագույն թեկնածուները կհրավիրվեն հարցազրույցի: Ընտրված ուսանողները իրենց անձնական ծախսով մեկնելու են Թբիլիսի (Վրաստանի Հանրապետություն)` Հունգարիայի երկարաժամկետ (D տեսակի) մուտքի արտոնագիր ստանալու համար: Կրթաթոշակի շրջանակներում սույն ճանապարհածախսի և արտոնագրի վճարների հետ կապված ծախսերի փոխհատուցում չի նախատեսվում: Հարցերի դեպքում կարող եք դիմել ՀՊՏՀ միջազգային կապերի բաժին՝ erasmus.asue@gmail.com հասցեով:
Հայտարարությունը տրամադրել է ՀՊՏՀ միջազգային կապերի բաժինը: