Լեհաստանում վերապատրաստվելու հնարավորություն՝ վարչական աշխատակիցների համար
Հայաստանի պետական տնտեսագիտական համալսարանի և Բիդգոշի տնտեսագիտական համալսարանի (Լեհաստան) միջև «Էրազմուս+» ծրագրի շրջանակներում կնքված պայմանագրի համաձայն` Հայաստանի պետական տնտեսագիտական համալսարանի վարչական անձնակազմի ներկայացուցիչներին հնարավորություն կտրվի 2019-2020 ուսումնական տարվա երկրորդ կիսամյակի ընթացքում մեկ շաբաթով վերապատրաստվել վերոնշյալ բուհում: Ծրագրով հետաքրքրված աշխատակիցները պետք է մինչև նոյեմբերի 18 -ը ներառյալ ՀՊՏՀ միջազգային կապերի բաժնի erasmus.asue@gmail.com էլ. փոստին ուղարկեն ներքոնշյալ փաստաթղթերը՝ նամակի վերնագիր դաշտում նշելով "Training Mobility -University of Economy in Bydgoszcz”.
- Անձնագրի լուսապատճենը
- ինքնակենսագրություն Europass CV ֆորմատով (անգլերեն)
- անգլերեն լեզվի իմացությունը հավաստող փաստաթուղթ (պարտադիր)
- մոտիվացիոն նամակ (անգլերեն)
- փաստաթուղթ՝ հաշվետվությունում նշված պայմանավորվածությունների իրականացման վերաբերյալ, եթե նախորդ տարի մասնակցել են «Էրազմուս+» ծրագրի կողմից առաջարկվող որևէ փոխանակային ծրագրի:
Մրցույթին կարող են մասնակցել միայն ՀՊՏՀ հիմնական աշխատակիցները: Ստանալով պատասխան հաղորդագրություն՝ Դուք կհամոզվեք, որ հայտը ստացվել է միջազգային կապերի բաժնի կողմից: Հարցերի դեպքում կարող եք գրել բաժնի erasmus.asue@gmail.com էլ. փոստին:
Հայտարարությունը տրամադրել է ՀՊՏՀ միջազգային կապերի բաժինը: