Մրցույթի հրավեր, որին կարող են դիմել հայ և ռուս գիտնականներից կազմված խմբեր
ՀՀ ԿԳՄՍՆ գիտության կոմիտեն և Հիմնարար հետազոտությունների ռուսաստանյան հիմնադրամը հայտարարել են գիտական հետազոտությունների համատեղ ծրագրերի աջակցության «ՀՀ ԿԳՄՍՆ ԳԿ - ՀՀՌՀ - 2020» մրցույթ:
Մրցույթին գիտական նախագծերի հայտերը ներկայացվում են Հայաստանի Հանրապետության և Ռուսաստանի Դաշնության գիտնականներից կազմված խմբերի կողմից: Հայաստանյան խմբում կարող է ընդգրկվել 2-ից 4 մասնակից՝ ներառյալ խմբի ղեկավարը: Հայտը լրացնում և ներկայացնում է խմբի ղեկավարը՝ Գիտության կոմիտեի հայտերի և հաշվետվությունների առցանց համակարգի միջոցով (grants.scs.am)՝ 2020 թ. փետրվարի 19-ից մինչև ապրիլի 15-ը, ժամը 18:00-ն ներառյալ:
Հայտին կից պահանջվող փաստաթղթերը Գիտության կոմիտե են ներկայացվում առձեռն՝ աշխատանքային օրերին, ժամը 10:00-13:00 և 14:00-17:00 (Օրբելի եղբայրների 22, 7-րդ հարկ, 708 սենյակ) կամ փոստով (Երևան 0028, Օրբելի եղբայրների 22)՝ մինչև 2020 թ. ապրիլի 27-ը ներառյալ:
Մրցույթին մասնակցության համար ռուսաստանյան կողմին ներկայացվող պահանջներին կարելի է ծանոթանալ հետևյալ հղումով:
Մրցույթին դիմելու ցանկության դեպքում անհրաժեշտ է մինչև սույն թվականի մարտի 2-ը ՀՊՏՀ «Ամբերդ» հետազոտական կենտրոնի ֆոնդհայթայթման բաժին ներկայացնել նախընտրելի թեման` մրցույթի շրջանակում սահմանված ձևաչափով․
- խնդրի դրվածքը, արդի վիճակը (մինչև 1 էջ)
- ծրագրի գիտական նպատակները և խնդիրները (մինչև 1 էջ),
- հետազոտական ծրագիրը (մինչև 5 էջ),
- իրականացման եղանակները (մինչև 1 էջ),
- առկա և անհրաժեշտ նյութական ռեսուրսները (մինչև 0,5 էջ),
- միջազգային համագործակցության նախադրյալները և նպատակահարմարությունը (մինչև 1 Էջ),
- տվյալ ուղղությամբ խմբի ունեցած ձեռքբերումները (մինչև 1 էջ),
- ակնկալվող արդյունքների քանակական և որակական ցուցանիշները (հրապարակումներ, գիտաժողովներ և այլն), նորարարական կարողության կիրառություն (տեխնոլոգիական ներդրում, ցուցադրում, փորձնական նմուշ, նախատիպ և այլն), մտավոր սեփականության տնօրինում (արտոնագիր, հեղինակային իրավունք և այլն), միջազգային համագործակցային կապերի ամրապնդում, համագործակցության հեռանկարներ ((մինչև 0,5 էջ)),
- ռուսաստանյան խմբի կողմից լուծվելիք խնդիրները (մինչև 1 էջ),
- օգտագործված գրականության ցանկը:
Հարցերի դեպքում կարող եք դիմել ֆոնդհայթայթման մասնագետ` Տաթև Եղյանին (Tatev.yeghyan@gmail.com): Հայտարարությունը տրամադրել է ՀՊՏՀ «Ամբերդ» հետազոտական կենտրոնը: