Առցանց վերապատրաստման շաբաթին հրավիրվում են մասնակցելու դասախոսներն ու վարչական աշխատակիցները

27.08.2020
Դիտումների քանակ՝ 696

Հայաստանի պետական տնտեսագիտական համալսարանի և Թիմիշոարայի Արևմտյան համալսարանի (Ռումինիա) միջև «Էրազմուս+» ծրագրի շրջանակներում կնքված պայմանագրի համաձայն՝ ՀՊՏՀ վարչական և դասախոսական անձնակազմին հնարավորություն կտրվի հոկտեմբերի 5-9-ը մասնակցել աշխատակազմի առցանց վերապատրաստման շաբաթին:

Վիրտուալ անձնակազմի վերապատրաստման շաբաթը թիրախավորում է բարձրագույն ուսումնական հաստատությունների այն անդամներին, որոնք հետաքրքրված են ուսումնասիրելու Եվրոպայում և ամբողջ աշխարհում բարձրագույն կրթության ոլորտում «Էրազմուս» ծրագրի մարտահրավերներն ու հնարավորությունները, միջազգայնացման գործընթացը:

Վիրտուալ անձնակազմի վերապատրաստման շաբաթվա ընթացքում իրականացվելու են սեմինարներ՝ բուհերի միջազգայնացման, Թիմիշոարայի Արևմտյան համալսարանի և գործընկեր բուհերի համագործակցության շրջանակների և այլ թեմաների շուրջ։ Վերապատրաստման շաբաթը հնարավորություն է լավագույն փորձով կիսվելու և նոր գիտելիքներ ստանալու։ Օրակարգի և քննարկվելիք թեմաների վերաբերյալ առավել մանրամասն տեղեկություններ կարող եք ստանալ հետևյալ հղումով։

Էրազմուս վիրտուալ վերապատրաստման շաբաթին մասնակցելու համար անհրաժեշտ է մինչև 2020 թվականի սեպտեմբերի 10-ը լրացնել դիմում-հայտը:

Մասնակցությունն անվճար է։

Թիմիշոարայի Արևմտյան համալսարանը (WUT) Արևմտյան Ռումինիայի հիմնական բարձրագույն կրթության և հետազոտական ​​կենտրոնն է: Այն համապարփակ համալսարան է, որը խթանում է որակյալ կրթությունը իր 11 ֆակուլտետներում՝ «Արվեստ և ձևավորում», «Քիմիա», «Կենսաբանություն», «Աշխարհագրություն», «Տնտեսագիտություն և բիզնեսի կառավարում», «Օրենք», «Պատմություն և աստվածաբանություն», «Մաթեմատիկա և համակարգչային գիտություն», «Երաժշտություն և թատրոն», «Ֆիզիկական դաստիարակություն և սպորտ», «Ֆիզիկա», «Քաղաքագիտություն», «Փիլիսոփայություն և կապի գիտություններ», «Սոցիոլոգիա և հոգեբանություն»:

Հարցերի դեպքում կարող եք դիմել ՀՊՏՀ միջազգային կապերի բաժին՝ erasmus.asue@gmail.com էլեկտրոնային հասցեով։

Տեղեկատվությունը՝ ՀՊՏՀ միջազգային կապերի բաժնից: