Բաց դռների օր ՀՊՏՀ-ում
ՀՊՏՀ-ն սիրով հրավիրում է բոլոր հետաքրքրված դիմորդներին՝ մասնակցելու «Բաց դռների օր» միջոցառմանը, որը տեղի կունենա ս․թ․ հոկտեմբերի 16-ին, ժամը 14:00-ից մինչև 17:00-ն։
Միջոցառումը կմեկնարկի ՀՊՏՀ մեծ դահլիճում (ՀՊՏՀ գլխավոր մասնաշենքի առաջին հարկում)։ Կներկայացվեն ՀՊՏՀ մասնագիտությունները, ընդունելության գործընթացին առնչվող մանրամասներ, ինչպես նաև համալսարանի կողմից ուսանողներին և դիմորդներին ընձեռվող այլ հնարավորություններ, այդ թվում՝ միջազգային փոխանակման ծրագրերին մասնակցության, սպասվող հագեցած և բովանդակալից ուսանողական կյանքի վերաբերյալ։
Ժամը 14։45-ից սկսած՝ ՀՊՏՀ բակում տեղադրված տաղավարներում կարող եք հանդիպել ձեր նախընտրած կրթական ծրագրերի ներկայացուցիչ դասախոսներին և ուսանողներին, հղել հարցեր ուսումնական գործընթացի, մասնագիտական հնարավորությունների և ապագայի զարգացման ուղիների վերաբերյալ, մասնակցել մրցույթների և ստանալ մրցանակներ։
Միջոցառմանը մասնակցելու համար անցե՛ք հղումով և գրանցվե՛ք:
Միացե΄ք մեզ՝ բացահայտելու ՀՊՏՀ-ի նոր հնարավորությունները և ստանալու ձեզ հետաքրքրող բոլոր հարցերի պատասխանները։
Սպասում ենք ձեզ հոկտեմբերի 16-ին՝ ՀՊՏՀ-ում (Երևան, Նալբանդյան 128)։