ՈՒԳԸ 43-րդ նստաշրջանին ընդառաջ

Սիրելի´ ուսանողներ, տեղեկացնում ենք, որ Հայաստանի պետական տնտեսագիտական համալսարանի ՈւԳԸ 43-րդ՝ «Տնտեսության և հասարակության զարգացում. մարտահրավերներ և հնարավորություններ» խորագրով նստաշրջանին մասնակցելու համար հոդվածներն անհրաժեշտ է ներկայացնել մինչև 2025 թ․ մարտի 20-ը։

Համահամալսարանական փուլում 1-3-րդ մրցանակային տեղերը զբաղեցրած ուսանողները կստանան դրամական պարգևներ՝

• 1-ին տեղ՝ 150.000 ՀՀ դրամ
• 2-րդ տեղ՝ 100.000 ՀՀ դրամ
• 3-րդ տեղ՝ 50.000 ՀՀ դրամ

Լավագույն աշխատանքները կհրապարակվեն «Երիտասարդ գիտնական» պարբերականում, հետազոտական հմտություններով աչքի ընկած ուսանողները հնարավորություն կստանան համագործակցելու համալսարանի «Ամբերդ» հետազոտական կենտրոնի հետ, այդ թվում՝ հրապարակելու հոդվածներ «Ամբերդ» տեղեկագրում և մասնակցելու հետազոտական թեմաների մրցույթներին:

Հոդվածները տպագիր և էլեկտրոնային տարբերակներով անհրաժեշտ է ներկայացնել ՈՒԳԸ ֆակուլտետային պատասխանատուներին՝

• Գայանե Ավագյան, տ.գ.թ., դոցենտ (ՏԿ և ՄՏՀ ֆակուլտետ),
• Նարինե Միրզոյան, տ.գ.թ., դոցենտ (հաշվապահական հաշվառման և աուդիտի ֆակուլտետ),
• Մարիաննա Աբրահամյան, դասախոս (մարքեթինգի և բիզնեսի կազմակերպման ֆակուլտետ),
• Լուսինե Ղազարյան, տ.գ.թ., դասախոս (ֆինանսական ֆակուլտետ),
• Անուշ Թումանյան, տ.գ.թ., դոցենտ (ինֆորմատիկայի և վիճակագրության ֆակուլտետ),
• Գագիկ Բադադյան, ասիստենտ (կառավարման ֆակուլտետ):

Հարցերի դեպքում կարող եք դիմել նաև ՈւԳԸ ուսանողական կազմի անդամներին՝

• Գոհար Հարությունովա (ՏԿ և ՄՏՀ ֆակուլտետ)
• Հեղինե Սարգսյան (հաշվապահական հաշվառման և աուդիտի ֆակուլտետ)
• Տիգրան Պետրոսյան (մարքեթինգի և բիզնեսի կազմակերպման ֆակուլտետ)
• Մանե Եղոյան (ֆինանսական ֆակուլտետ)
• Քերոբ Մարգարեան (ինֆորմատիկայի և վիճակագրության ֆակուլտետ)
• Գայանե Առաքելյան (կառավարման ֆակուլտետ)

Հոդվածներին ներկայացվող բովանդակային պահանջները

Հոդվածը պետք է կազմված լինի հետևյալ բաժիններից.

• համառոտագիր (մինչև 100 բառ),
• հիմնաբառեր (4-6 բառ),
• ներածություն,
• գրականության ակնարկ,
• հետազոտության մեթոդաբանություն,
• վերլուծություն, հետազոտության արդյունքներ և քննարկում,
• եզրակացություն,
• օգտագործված գրականության ցանկ,
• հավելվածներ (եթե առկա են)։

Հոդվածներին ներկայացվող տեխնիկական պահանջները.

• հոդվածը ներկայացվում է հայերեն,
• հոդվածի սկզբում դրվում է վերնագիրը (գլխատառերով),
• հաջորդ տողում՝ հեղինակի անուն-ազգանունը (գլխատառերով),
• հոդվածի վերջում նշվում են հեղինակի տվյալները (ֆակուլտետը, ամբիոնը, կուրսը), հեռախոսահամարը և էլեկտրոնային փոստի հասցեն,
• տեքստի լուսանցքները՝ վերև՝ 25 մմ, ներքև՝ 25 մմ, աջ՝ 25 մմ, ձախ՝ 20 մմ,
• հայերեն շարվածքի տառատեսակը՝ GHEA Grapalat,
• անգլերեն շարվածքի տառատեսակը՝ Times New Roman,
• ռուսերեն շարվածքի տառատեսակը՝ Times New Roman,
• հիմնական տառաչափը՝ 12,
• միջտողային հեռավորությունը՝ 1.5,
• հղումները տրվում են տողատակում՝ աճման կարգով, տառաչափը՝ 10, միջտողային հեռավորությունը՝ 1.0, նշվում է աղբյուրի հեղինակը (թավ), վերնագիրը, հատորը, հրատարակության տեղը, տարեթիվը (մամուլի դեպքում` նաև համարը) և էջը,
• hոդվածի ծավալը՝ մինչև 2500 բառ (7-10 էջ)։

ՈւԳԸ կազմակերպիչների հետ կարող եք կապ հաստատել studentssientificsociety@gmail.com էլեկտրոնային հասցեով։