«Էրազմուս+»․ ՀՊՏՀ ասպիրանտներին և հայցորդներին վերապատրաստման է հրավիրում Դեմոկրիտի համալսարանը

Հայաստանի պետական տնտեսագիտական և Թրակիայի Դեմոկրիտի (Հունաստան) համալսարանների միջև «Էրազմուս+» ծրագրի շրջանակում կնքված պայմանագրի համաձայն` ՀՊՏՀ ասպիրանտները և հայցորդները հնարավորություն կստանան առաջադրվելու նշյալ համալսարանի կրթաթոշակային մրցույթին և մրցութային բոլոր փուլերը հաղթահարելու դեպքում վերապատրաստվելու այնտեղ։ Ծրագրին կարող են դիմել այն ասպիրանտները և հայցորդները, որոնք՝

• ունեն անգլերենի իմացության բարձր մակարդակ, հավաստագիր (IELTS կամ TOEFL® iBT, Cambridge Assessment English քննությունների վավեր հավաստագրեր, ինչպես նաև ՀՊՏՀ-ում կազմակերպված քննությունների հավաստագիր),
• նախորդ կրթական աստիճանում ունեցել են բարձր առաջադիմություն. նվազագույն ՄՈԳ-ը պետք է լինի 14,1՝ գնահատման 20 միավորանոց համակարգի պայմաններում,
• ունեն մեծ մոտիվացվածություն՝ վերապատրաստվելու ՀՊՏՀ գործընկեր բուհում։

Ծրագրով հետաքրքրված ասպիրանտները և հայցորդները պետք է մինչև նոյեմբերի 25-ը, ժամը 23։59 լրացնեն հետևյալ հայտը։

Դիմողները միջազգային կապերի բաժնի կողմից իրենց հայտը ստանալու մասին կհավաստիանան՝ վերջնաժամկետի ավարտից հետո պատասխան նամակ ստանալով: Ոչ պատշաճ կերպով լրացված, ինչպես նաև վերջնաժամկետի ավարտից հետո ուղարկված հայտերը չեն դիտարկվի:

Հարցերի դեպքում կարող եք գրել բաժնի int.mobility@asue.am էլփոստին: