Կոռուպցիայի կանխարգելման հանձնաժողովը փնտրում է հայտարարագրերի վերլուծության մասնագետի
Կոռուպցիայի կանխարգելման հանձնաժողովը փնտրում է երիտասարդ մասնագետների՝ հայտարարագրերի վերլուծության մասնագետի թափուր պաշտոնների համար:
Կոռուպցիայի կանխարգելման հանձնաժողովի հայտարարագրերի վերլուծության մասնագետը պետք է կարողանա՝
- պաշտոնատար անձանց հայտարարագրերի ուսումնասիրության արդյունքում վեր հանել հնարավոր կոռուպցիոն ռիսկերը,
- համադրել պաշտոնատար անձանց գույքի փոփոխությունը եկամուտների հետ,
- տարբեր պետական մարմիններից և այլ անձանցից ստանալ վերլուծության համար անհրաժեշտ տեղեկատվություն և համադրել հայտարարագրված տվյալների հետ,
- Հայտնաբերված անհամապատասխանությունների վերաբերյալ կազմել արձանագրություն՝ տալով գրագետ իրավական ձևակերպումներ,
- դրսևորել նախաձեռնողականություն՝ ներկայացնելով առաջարկություններ հայտարարագրման համակարգի շարունակական կատարելագործման ուղղությամբ,
- արդյունավետ ձևով համագործակցել թիմի բոլոր անդամների հետ,
- ապահովել աշխատանքի կատարողականի հետևողական բարելավում՝ շարունակական մասնագիտական զարգացման միջոցով։
Հայտարարագրերի վերլուծության մասնագետին ներկայացվող պահանջները՝
- Հայաստանի Հանրապետության քաղաքացիություն,
- Բարձրագույն տնտեսագիտական կրթություն,
- Ֆինանսական վերլուծության, աուդիտի կամ հարակից այլ ոլորտներում փորձառություն,
- Իրավաբանական բազային գիտելիքներ,
- Գրավոր և բանավոր հայերենի գերազանց իմացություն,
- Տվյալների բազայի հետ աշխատանքային փորձը ցանկալի է,
- Հակակոռուպցիոն ոլորտում աշխատելու մեծ մոտիվացվածություն:
Նշված պաշտոնին հավակնող անձը պետք է լինի բարեկիրթ, պարտաճանաչ, հավասարակշռված, ունենա նախաձեռնողականություն և պատասխանատվության զգացում, արագ սովորելու, առաջադրված խնդիրները սեղմ ժամկետներում կատարելու ունակություններ: Աշխատավարձը՝ ըստ փորձի և մասնագիտական հմտությունների։
Աշխատանքի վայրը՝ ք. Երևան, Կորյունի 15
Ընտրությունը կատարվելու է հարցազրույցի և մասնագիտական գիտելիքների ստուգման միջոցով: Ինքնակենսագրականը (CV) ներկայացվում է հայերեն կամ անգլերեն լեզուներով՝ hr@cpcarmenia.am էլեկտրոնային փոստի հասցեին:
Հայտարարությունը տրամադրել է ՀՊՏՀ աշխատաշուկայի և շրջանավարտների հետ աշխատանքի բաժինը։