Աշխատանքի հրավեր ՀՊՏՀ-ից
ՀՊՏՀ մարդկային ռեսուրսների կառավարման բաժինը ներկայացնում է հայտարարություն հետևյալ թափուր պաշտոնի համար:
ԱՇԽԱՏԱՆՔԻ ՎԱՅՐ`
Հայաստանի պետական տնտեսագիտական համալսարան, ք. Երևան, Նալբանդյան 128
ՍՏՈՐԱԲԱԺԱՆՈՒՄ`
Որակի ապահովման բաժին
ՊԱՇՏՈՆԸ`
Առաջատար մասնագետ
ԱՇԽԱՏԱՆՔԻ ՆԿԱՐԱԳՐՈւԹՅՈւՆ`
- կատարել բաժնի պետի հանձնարարությունները` ժամանակին և պատշաճ որակով,
- իր լիազորությունների սահմաններում, անհրաժեշտության դեպքում, նախապատրաստել և բաժնի պետին ներկայացնել իր աշխատանքային ծրագրերը, ինչպես նաև առաջարկություններ, տեղեկանքներ, հաշվետվություններ, զեկուցագրեր և այլ փաստաթղթեր,
- բաժնի պետի հանձնարարությամբ մասնակցել բաժնի աշխատանքային ծրագրերի մշակման աշխատանքներին,
- տիրապետել իր գործառույթների իրականացման համար անհրաժեշտ իրավական ակտերին,
- մշակել և պարբերաբար վերանայել որակի ներքին ապահովման կանոնակարգերը, քաղաքականությունը և ընթացակարգերը,
- կազմակերպել կրթական ծրագրերի գնահատման գործընթացը և ծրագրային հավատարմագրման գործընթացում խորհրդատվություն տրամադրել անհրաժեշտ փաստաթղթերի պատրաստման և փորձագիտական այցերին պատրաստվելու նպատակով,
- մասնակցել ՀՊՏՀ գործունեության գնահատման գործիքակազմի մշակմանը և կիրառականության փորձարկմանը,
- իրականացնել բաժնի պետի հանձնարարությամբ այլ գործառույթներ:
ՊԱՇՏՈՆԻ ՀԱՎԱԿՆՈՐԴԻՆ ՆԵՐԿԱՅԱՑՎՈՂ ՆՎԱԶԱԳՈւՅՆ ՊԱՀԱՆՋՆԵՐ`
- բարձրագույն կրթություն,
- առնվազն մեկ տարվա մասնագիտական աշխատանքային փորձ,
- ՀՀ օրենսդրության և իրավական ակտերի՝ իր լիազորությունների իրականացման հետ կապված անհրաժեշտ գիտելիքներ,
- համակարգչային ծրագրերի` Microsoft Office-ի գերազանց իմացություն,
- հայերեն, ռուսերեն և անգլերեն լեզուների գերազանց իմացություն,
- տրամաբանելու, բանակցելու, տարբեր իրավիճակներում կողմնորոշվելու ունակություն,
- իր գործառույթների իրականացման համար անհրաժեշտ գիտելիքներ, թիմում աշխատելու հմտություն և կազմակերպվածություն:
ԱՆՀՐԱԺԵՇՏ ՓԱՍՏԱԹՂԹԵՐԻ ՑԱՆԿ՝
- Ինքնակենսագրություն:
- Բարձրագույն կրթության մասին հավաստող փաստաթուղթ/եր:
- Աշխատանքային փորձը հավաստող փաստաթուղթ/եր:
| ԴԻՄՈՒՄՆԵՐԻ ԸՆԴՈՒՆՄԱՆ ՍԿԻԶԲ՝ 18 հունիսի 2021 թ. |
| ԴԻՄՈՒՄՆԵՐԻ ԸՆԴՈՒՆՄԱՆ ՎԵՐՋՆԱԺԱՄԿԵՏԸ՝ 16 հուլիսի 2021 թ. |
Անհրաժեշտ փաստաթղթերի փաթեթները կարող եք ուղարկել ՀՊՏՀ մարդկային ռեսուրսների կառավարման բաժնի hr@asue.am և asue.qad@gmail.com էլփոստերին՝ վերնագրի դաշտում նշելով հաստիքը, որի համար դիմում եք։ Փաստաթղթերն ընդունվում են բացառապես էլեկտրոնային եղանակով։
Հայաստանի պետական տնտեսագիտական համալսարանի գործունեության վերաբերյալ մանրամասն տեղեկատվությունը հասանելի է բուհի պաշտոնական կայքում՝ հետևյալ հղմամբ․ https://asue.am/ :