«Վարդանանց» բժշկական կենտրոնը հրավիրում է

«Վարդանանց» նորարարական բժշկության կենտրոնն ընթացիկ տարվա փետրվարի 1-ից իրականացնում է տեղամասային պոլիկլինիկայի նոր կցագրումներ սահմանափակ քանակով, բացառությամբ մինչև մեկ տարեկան երեխաների:

Կցագրվելով դուք կարող եք օգտվել պետության կողմից երաշխավորված անվճար բժշկական ծառայություններից, այդ թվում՝

• պատվաստումների պատշաճ մատուցում
• սուր հիվանդությունների ախտորոշում և բուժում
• խրոնիկ հիվանդությունների դիսպանսեր հսկողություն
• հղիության վարում՝ պետական պատվերի շրջանակներում
• անհրաժեշտ դեղերի տրամադրում՝ պետական պատվերի շրջանակներում
• փաստաթղթերի ապահովում՝ անաշխատունակության թերթիկ, տեղեկանքներ, ուղեգրեր և այլն:

Կցագրումների համար անձը հաստատող փաստաթղթով կարող եք մոտենալ բժշկական կենտրոն (Վարդանանց 18/1 հասցեով):